Irtaza Ali

Ranjish.com has lots of Urdu Irtaza Ali Poetry. Feel free to add your own Irtaza Ali Shayari here.

Irtaza Ali Collection

Irtaza Ali is a young upcoming poet from Pakistan. Ranjish.com will bring you all of his ghazals.



Roothe to sheher-bhar main tamasha nahin kiya..

Irtaza Ali

Roothe to sheher-bhar main tamasha nahin kiya,
Duniya ke samne tujhe ruswaa nahin kiya,

Kab kon hans ke milta hai apne raqeeb se,
Hum ne tumhare pyar main kya kya nahin kiya,

Yeh dosti nikkah main badlen ge aik din,
Yunhi tumhare vaaste kharcha nahin kiya,

Ghusse main gaaliyan bhi woh deta to khair thi,
Par us ne phone kaat kar acha nahin kiya..



Yeh vasl kya ke khuda toor hi jalaa de yaar..

Irtaza Ali

Yeh vasl kya ke khuda toor hi jalaa de yaar,
Maza to jab hai ke woh arsh par jagah de yaar,

Main roz khawb main oonchi jagah se girta hoon,
Tu mujh ko choRrne wala hai to bata de yaar,

Yeh hijr-o-vasl ke qisse to sab ne likhe hain,
Tu sher baandh raha hai to kuch naya de yaar,

Tu mere baad unhe phir bula le mehfil main,
Bas aik baar mere samne utha de yaar,

Woh mera ho nahin sakta to ae musawwar sun,
Hamari sath main tasveer hi bana de yaar..



Tujhe matlab hai adaaa se teri.

Irtaza Ali

Tujhe matlab hai adaaa se teri,
Koi mar jaye balaa se teri,

Tu ne bandon ki kahan suNni hai,
Baat karta hoon khuda se teri.


Advertisements

We update our poetry database on daily basis so keep coming back for more Irtaza Ali.



love shayari romantic shayari sad shayari nazam shayari