Rukhsar Balrampuri

Pyar ka hum paigham sunaane wale hain,
Nafrat ko hum duniya se mittane wale hain,

Hindu muslim sab ka aik hi naara hai,
Sab hi watan par jaan luttane wale hain..

Jo mere muqaddar main araam hai rahat hai,
Pooche jo koi keh doon sab maan ki badolat hai,

Jiss maan ko buRrhape main yeh duniya satati hai,
Qadmon main usi maan ke maloom hai jannat hai,

Sarkar-e-do-aalam ka farmaan rakho dil main,
Mazloom ke kaam aana yeh bhi to ibadat hai..

Lo mohabbat ki laaj rakhte hain,
Qadmon main dil ka taaj rakhte hain,

Yaad rakhna agar tum ho bare aadmi,
Hum bhi shaahi mizaaj rakhte hain..