Sufi Tabassum

Ranjish.com has lots of Urdu Sufi Tabassum Poetry. Feel free to add your own Sufi Tabassum Shayari here.

Sufi Tabassum Collection

jane kis ki thi khataa yaad nahin
hum huye kese judaa yaar nahin

aik shola sa uTha tha dil main
jane kis ki thi sadaa yaad nahin

aik naghma sa suna tha maine
kon tha shola navaa yaad nahin

roz dohraate they afsana-e-dil
kis tarah bhool gaya yaad nahin

ik faqat yaad hain jana un ka
aur kuch is ke siwa yaad nahin

tu meri jaan-e-tamana thi kabhi
ae meri jaan-e-wafa yaad nahin

haal-e-dil kaise tabassum ho bayan
jaane kya yaad hai kya yaad nahin

Tu ne kuch bhi na kaha ho jese,
Mere hi dil ki sadaa ho jese,

Yuun teri yaad se jee ghabraya,
Tu mujhe bhool geya ho jese,

Is tarah tujh se kiye hain shikwe,
Mujh ko apne se gila ho jese,

Tere honton ki haffi se larzish,
Ik haseen sher hua ho jese..

Aaj tabassum sab ke lab par,
Afsaane hain tere mere..