Ushba Tabeer
Ranjish.com has lots of Urdu Ushba Tabeer Poetry. Feel free to add your own Ushba Tabeer Shayari here.Ushba Tabeer Collection
Ushba Tabeer is a young Urdu poet from Pakistan. She is known for her nazam and ghazal shayari.
Ranjish.com has a lots of poetry written by Ushba Tabeer. Especially you will love the videos produced from her poetry.
Dil ka jab dil se rabta hoga
Ushba Tabeer
dil ka jab dil se rabta hoga
shor dhaRrkan main phir bapaa hoga
koi aesa bhi mojza hoga
jab mere haq main faisla hoga
loh-e-dil par jo likh diya tum ne
is ka izhaar barmala hoga,
meri sochon hai wahi mehvar
kya mujhe bhi woh sochta hoga
muskurahat main ik nazakat hai
us pe rang-e-hayaa chaRrha hoga
aaj woh dil ko thaam kar guzra
zakham koi naya laga hoga
jis main tehreer they sabhi vaade
us ne woh khat jalaa diya hoga
ratjage deke meri ankhon ko
raat bhar woh bhi jagta hoga
yeh jabeen par hai jo chamak ushba
chaand chehre ko choomta hoga
Samajh na paayi ke kya be-muhaar chahta tha..
Ushba Tabeer
samajh na paayi ke kya be-muhaar chahta tha
ajeeb shakhss tha khud se faraar chahta tha
woh meri arz bhi hukman shumaar karne laga
woh har tarah se mera aitbaar chahta tha
usay qabool thi wese to meri majboori
magar woh mujh pe zara ikhteyar chahta tha
jawan dilon ke marahil to tey kiye saray
magar woh vasl main kuch intezar chahta tha
tamaniyat na mili mujh ko phir kisi surat
ke mera dil bhi to hona figaar chahta tha
kabhi na ashk bahao gi mujh se vaada karo
woh pyar main bhi faqat iqtidaar chahta tha
bas ik anaa thi ke jis na dabo diya us ko
magar woh phir bhi ussi ka hisaar chahta tha
sabhi charagh e mohabbat bhuja diye us ne
ke woh hawa pe bhi hona sawaar chahta tha
woh thak geya tha mohabbat ki arzu karte
bichaRr ke mujh se woh shayad qaraar chahta tha
yeh dastaan bhi usi shakhss ne likhi ushba
taveel qisse main jo ikhtisaar chahta tha
Advertisements
We update our poetry database on daily basis so keep coming back for more Ushba Tabeer.