Faiz Ahmad Faiz

Har haqeeqat majaaz ho jaye,
Kaafiron ki namaaz ho jaye,

Dil rahin-e-niyaz ho jaye,
Bekassi kaarsaaz ho jaye,

Minnat-e-charasaaz kaun kare,
Dard jan jaan-nawaz ho jaye,

Ishq dil main rahe to ruswa ho,
Lab pe aaye to raaz ho jaye,

Lutf ka intizaar karta hon,
Jaur ta hadh-e-naaz ho jaye,

Umr be-suud katt rahi hai Faiz,
Kaash ifsha-e-raaz ho jaye..

Chaand nikle kisi jaanib teri zebaayi ka,
Rang badle kisi surat shab-e-tanhayi ka,

Daulat-e-lab se phir ayi khusrav-e-shirin-dahanan,
Aaj arzaan ho koi harf shanasaayi ka,

Garmi-e-rashk se har anjuman-e-gul-badanaan,
Tazkraa cherre teri pairahan-e-araayi ka,

Sehn-e-gulshan main kabhi ai shah-e-shamshad-qadan,
Phir nazar aaye saliqa teri raaanaayi ka,

Ek baar aur maseeeha-e-dil dil-zadagan,
Koi vaada koi iqraar masihaayi ka,

Deeda o dil sambhaalo ke sar-e-shaam-e-firaq,
Saaz-o-samaan baaham pohancha hai ruswayi ka..

Dono jahan teri mohabbat mein haar ke,
Woh jaa raha hai koi shab-e-gham guzaar ke..

Aye kuch ab kuch sharab aye,
Is ke baad aye jo azaab aye,

Bam-e-mina se mehtab utre,
Dast-e-saaqi main aftab aye,

Har rang-e-khun main phir charaghan ho,
Samne phir woh be-naqab aye,

Umar ke har varq pe dil ki nazar,
Teri mehr-o-wafaa ke baab aye,

Kar raha tha gham-e-jahan ka hisab,
Aj tum yaad be-hisaab aye,

Na gayi tere gham ki sardari,
Dil main yuun roz inqalab aye,

Is tarah apni khamoshi goonji,
Goya har samt se jawab aye,

Faiz thi raah sar-ba-sar manzil,
Hum jahan pohanche kamyab aye..

Mitt jaye gi makhlooq to insaaf karo ge,
Munsif ho agar to hashar uthaa kyon nahin dete..

Kahan tak suney gi raat kahan tak sunayen ge hum,
Shikwey saarey sabb aaj tere rubaruu karain..

Yeh ajab qayamaten hain teri rahguzar main guzaari,
Na ho ke mar mittain hum, na ho ke jee uthain hum..

Sach Hai Hamee.n Ko Aap Ke Shikway Bajaa Na Thay
Be-Shak Sitam Janaab Ke Sab Dostaana Thay

Haan Jo Jafaa Bhi Aap Ne Ki, Qaaiday Se Ki
Haan Ham Hee Kaar Band-e-Asool-e-Wafa Na Thay

Aaye Tou Yun Ke Jaisay Hamesha Thay Meherbaan
Bhoolay Tou Yun Ke Goya Kabhi Aashna Na Thay

Kyun Daad-e-Gham Ham Ne Talab Ki, Buraa Kiya
Ham Se JahaaN Mein Kushta-e-Gham Aur Kya Na Thay

Gar Fikr-e-zaKhm Ki Tou Khataavaar Hain Ke Ham
Kyun Mahv-e-Madh-e-Khuubi-e-Teg-e-Adaa Na Thay

Har Chaarahgar Ko Chaarahgari Se Guraiz Tha
Warna Hamain Jo Dukh Thay, Bohat La-Dawaa Na Thay

Lab Per Hai Talkhi-e-Mey-e-Ayaam, Warna “Faiz”
Ham Talkhi-e-Kalaam Pe Maail Zaraa Na Thay

Marne ke baad bhi meri aankhain khuli rahin,
Aadat jo parr gayi thi tere intizaar ki..

Raaz-e-Ulfat Chhupa Ke Dekh Lia
Dil Bohat Kuch Jalaa Ke Dekh Lia

Aur Kia Dekhnay Ko Baaki Hai ?
Aap Se Dil Lagaa Ke Dekh Lia

Wo Mere Ho Ke Bhi Mere Na Howay
Un Ko Apna Banaa Ke Dekh Lia

Aaj Unki Nazar Mein Kuch Ham Ne
Sab Ki Nazrain Bacha Ke Dekh Lia

“Faiz” Takmeel-e-Gham Bhi Na Ho Saki
Ishq Ko Aazmaa Ke Dekh Lia