Designed Shayari

Ruk jayen jo kuch dair to hum beth ke dumm lain,
Badle hi chale jaate hain halaat musalssal..

Riwaayeton ko nibhane ka tha saleeqa us ko,
Woh bewafaayi bhi karta raha wafaa ke sath..

Bicharr ke tujh se kisi taur behell na saka,
Nishaaniyan bhi teri mere paas kitni theen..

Puuche na zindagi me kisi ne bhi dil ke dukh,
Ab sheher bhar me zikr meri khud-kushi ka hai..

Qaffass main qaid karo ya chorr do hum ko,
Tumhare jaal main aaye huye parinde hain..

Aks-e-khushbuu hoon bikharne se na roke koi,
Aur bikhar jaaon to mujh ko na samaitte koi,

Kaamp uthti hoon main yeh soch ke tanhai main,
Mere chehre pe tera naam na parrh le koi,

Jis tarah mere khawb huye raiza raiza,
Iss tarah se na kabhi toot ke bikhre koi,

Main to uss din se hiraasaan hoon ke jab hukm mile,
Khushk phoolon ko kitaabon me na rakhe koi,

Ab to iss raah se woh shakss guzarta bhi nahi,
Ab kis umeed pe darwaaze se jhaanke koi,

Koii aahatt koi awaz koi chaap nahin,
Dil ki galiyaan barri sunsaan hain aaye koi..

Watch Video

Agarche tujhse bohat ikhtilaaf bhi na hua,
Magar yeh dil teri janib se saaf bhi na hua,

Taluqaat ke barzakh main hi rakha mujh ko,
Woh mere haq main na tha aur khilaaf bhi na hua,

Ajab tha jurm-e-mohabbat ke jis pe dil ne mere,
Sazaa bhi paayi nahin aur maaf bhi na hua,

malaamton main kahan saans le saken ge woh log,
Ke jin se kuye-jafaa ka tawaaf bhi na hua,

Ajab nahin hai ke dil par jammi mili kaayi,
Bohat dinon to yeh hozz saaf bhi na hua,

hawaa-e-dakhar humen kis liye bujhati hai,
Humen to tujhse kabhi ikhtilaaf bhi na hua..

Watch Video

Apne yaaron ki tabiyat se shanaasa hoon main,
Ab taluq pe mujhe vaar diya jaaye ga..

Ae sanam vasal ki tadbeeron se kya hota hai,
Wohi hota hai jo manzoor-e-khuda hota hai..

Woh kya gaye ke neend bhi le gaye,
Yaani ke khawb main bhi na aye raat bhar..