Designed Shayari

Aaye they hanste khailte mai-kade main “firaq”
Jab pee chuke sharaab to sanjeeda ho gaye..

Maine palkon se dar-e-yaar pe dasstak di hai,
Main woh saayel hoon jisse koi sadaa yaad nahin..

Parrh to liya hai in ko magar kese phenk doon,
Khushbuu tumhare hath ki in kaaghzon main hai..

Dil-e-nadaan tujhe huaa kya hai,
Aakhir iss dard ki davaa kya hai,

Ham hain mushtaaq aur woh be-zaar,
Yaa ilaahi yeh maajraa kyaa hai,

Main bhi muu mei zabaan rakhta hoon,
Kaash puucho ke mudaa.aa kya hai,

Jab ke tujh bin nahin koi maujood,
Phir yeh hungama ae khudaa kya hai,

Yeh pari-chehra log kaise hain,
Ghamzaa-o-ishvaa o adaa kya hai,

Shikkan-e-zulf-e-ambreen kyun hai,
Nigah-e-chashm-e-suurma saa kya hai,

Sabza o gul kahaan se aaye hain,
Abr kya hai cheez hai havaa kya hai,

Ham ko un se wafaa ki hai umeed,
Jo nahin jaante wafaa kya hai,

Haan bhalaa kar tera bhalaa hoga,
Aur darvesh ki sadaa kya hai,

Jaan tum pr nisaar karta hoon,
Main nahin jaantaa duaa kya hai,

Main ne maana ke kuch nahin “ghalib”,
Muft haath aaye to buraa kya hai..

Watch Video

Phoolon ka bikharna to muqaddar hi tha lekin,
Kuch iss main havaon ki siyasat bhi bohat thi..

Aaj phir maan mujhe maare gi bohat ronay pe,
Aaj phir gaaon mein aya hai khilone waala..

Is shehr ke andaaz ajab dekhe hain yaaro,
Guungon se kaha jaata hai behron ko pukaro..

Samne hota hai lekin mujhe rad karta hai,
Baaz aukaat to aayina bhi hadh karta hai..

Kya kahoon zindagi kyaa hai,
Ik tamaasha zindagi bhar dekha.

Rasm-e-ulfat hi ijaazat nahi deti warna,
Hum bhi aesa tujhe bhoolen ke sadaa yaad karo..