Designed Shayari

Jin ki nazron main hum nahin achey,
Kuch to woh log bhi buray hon ge..

Khuda jane bichar ke mujh se kis ka humsafar ho ga,
Hain jis ke waastey muddat se muntazir aankhain..

Jab bhi uss raah se guzro to ik dukh ki kassak,
Tokti hai ke woh darwaza khulaa hai ab bhi..

Ashk-e-ravaan ki nehr hai aur hum hain dosto,
Uss bewafa ka shehr hai aur hum hain dosto,

Yeh ajnabi si manzilein aur raftgaan ki yaad,
Tanhaayiyon kaa zehr hai aur hum hain dost,

Laayi hai ab urraa ke gaye mausmon ki baas,
Barkhaa ki rut ka qehr hai aur hum hain dosto,

Phirte hain misl-e-mauj-e-huaaa shehr mein,
Awaargi ki lehr hai aur hum hain dosto,

Shaam-e-aalam dhalli to chalii dard ki havaa,
Raaton ki pichlaa pehr hai aur hum hain dosto,

Aankhon mei urr rahi hai lutti mehfilon ki dhool,
Ibrat saraa-e-dehr hai aur hum hain dosto..

Tasveer mene maangi thi shokhee to dekhiye,
Ik phool us ne bhej diya hai gulaab ka..

Aayina ab judaa nahin karta,
Qaid mei hoon rihaa nahin karta,

Mustaqil sabr mei hai koh-e-giraan,
Naqsh-e-ibrat sadaa nahin karta,

Rang-e-mehfil badaltaa rehta hai,
Rang koi wafaa nahin karta,

Aish-e-duniyaa ki justujuu mat kar,
Yeh dafeena mila nahin karta,

Ji main aaye jo kar guzarta hai,
Tuu kisi ka kahaa nahin karta,

Ek waaris hamesha hota hai,
Takht khaali rahaa nahin karta,

Ehd-e-insaaf aa raha hai “munir”,
Zulm daayem hua nahin karta..

Kis kis se wabasta karen hum apni umeedain,
Iss daur ka har shakss wafaa bhool geya hai..

Aankh dekhe bina nahin rehti,
Hont to khair sii liye hum ne..

Bagh main lagta nahin sehraa se ghabraata hai dil,
Ab kahan le ja ke bethen aese deewane ko..

Bewafaayi pe teri jee hai fidaa,
Qehr hota jo baaawafa hota..