Naveed Mirza
Ranjish.com has lots of Urdu Naveed Mirza Poetry. Feel free to add your own Naveed Mirza Shayari here.Naveed Mirza Collection
Naveed Mirza is a prominent Urdu poet from Lahore, Pakistan. Muhammad Naveed Mirza started his literary career as a children story writer but later started as a ghazal and shayari poet.
Jab se dil o dimagh main uljhan koi naheen
Naveed Mirza
jab se dil o dimagh main uljhan koi naheen
main sochta hoon sheher main dushman koi naheen
kache gharon main itne diye kis ne rakh diye
saare khayal o khawb hain roshan koi naheen
talwar se bhi us ka galaa kaTt naheen saka
shayad hamare weham ki gardan koi naheen
sadiyon se jaise apne badan ki ghuTtan main hoon
lagta hai is hisaar main rozan koi naheen
chehron se aashnayi ka fun seekhna to hai
lekin kisi ke hath main darpan koi naheen
pathar tamam sheher ke hath main hain to kya
mere bhi ghar main kaanch ka bartan koi naheen
khiRrki se dekhne ko manazir na mil sake
lagta hai jaise gaRri main engine koi naheen
Advertisements
We update our poetry database on daily basis so keep coming back for more Naveed Mirza.