Saima Aftab

Ranjish.com has lots of Urdu Saima Aftab Poetry. Feel free to add your own Saima Aftab Shayari here.

Saima Aftab Collection

Saima Aftab is an Urdu poet from Pakistan. She has been writing Urdu shayari for a very long time and is known for her innovative style of poetry.

dekho, puray chand ka gola, peepal par aTka hai
chupke se chhat par aa jao, mil kar rotay hain

aa jata hai khud pas bulana nahi paRrta
milne ke liye hath hilana nahin paRrta

kuch aesi sahulat se makeen dil main hua woh
mujh ko bhi meri zaat se jana nahin paRrta

yeh khas riyayet hai ke ab des main apne
gham muft main milta hai kamana nahin paRrta

is sheher se us sheher talak seedhi saRrak hai
filhal to raste main zamana nahin paRrta

afsana -e- hasti bhi bohat khoob hai jis main
kirdar koi sa bhi nibhana nahin paRrta

ik karb -e- musalsal ke mera pehlu-nasheen hai
ik lutf -e- daruun jis ko gavana nahin paRrta

ab loha ugate hain darakhton ki jagah hum
koyal ko bhi ab shor machana nahin paRrta

Ae ranj-e-agahi koi chaara to hoga na
chal khush na reh saken ge guzara to hoga na

yeh aarzuu bhi waqt ke dhaare main beh gayi
ab naa sahi kabhi woh hamara to hoga na

jati hai jo mataa -e- dil -o- jaan to kya malaal
yeh ishq ki dukan hai khasara to hoga na

har aan jis ka zikr hai us beniaz ne
bhoole se mera naam pukara to hoga na

main zaad -e- rah ke taur pe bas khawb layi hoon
ae humsafar tujhe yeh gavara to hoga na

kya ajnabi banen ge agar phir kabhi mile
kya baat bhi na hogi ishara to hoga na

karna karana choRr zabaani hi sath de
tinke ka ho agarche sahara to hoga na