Designed Shayari

Ranjish.com has lots of Urdu Designed Shayari Poetry. Feel free to add your own Designed Shayari Shayari here.

Designed Shayari Collection

Designed Poetry is a form of poetry which is in the form of picture. This kind of Urdu Designed Poetry is made up in photoshop. This is a pure art, to represent your thoughts in a picture. Designed Poetry is hugely popular in pakistan, people love reading Designed Poetry because its not in text so its not boring to read. This is often called Urdu Picture Poetry.



Honton pe mohabbat ke fasaane nahin aate..

Designed Shayari

Bashir Badr Poetry

Honton pe mohabbat ke fasaane nahin aate,
Sahil pe samandar ke khazaane nahin aate,

Palken bhi chamak uthti hain sone main hamari,
Ankhon ko abhi khawb chupaane nahin aate,

Dil ujrri hui aik saraaye ki tarah hai,
Ab log yahan raat jagaane nahin aate,

Yaaro naye mausam ne yeh ehsaan kiye hain,
Ab yaad mujhe dard puraane nahin aate,

Urrne do parindon ko abhi shokh hawaa main,
Phir lautt ke bachpan ke zamaane nahin aate,

Is sheher ke baadal teri zulfon ki tarah hain,
Yeh aag lagaate hain bujhaane nahin aate,

Ehbaab bhi ghairon ki adaaa seekh gaye hain,
Aate hain magar dil ko dukhaane nahin aate..



Jab tera hukm mila tark mohabbat kar di..

Designed Shayari

jab tera hukm mila

Jab tera hukm mila tark mohabbat kar di,
Dil magar is pe woh dharrkaa ke qayamat kar di,

Tujh se kis tarah main izhaar-e-tamanna karta,
Lafz soojha to maani ne baghawat kar di,

Main to samjha tha ke laut aate hain jane wale,
Tu ne ja kar to judayi meri qismat kar di,

Mujh ko dushman ke iraadon pe bhi pyar ata hai,
Teri ulfat ne mohabbat meri aadat kar di,

Pooch betha hoon main tujh se tere kuchay ka pata,
Tere halaat ne kesi teri surat kar di,

Kya tera jism tere husn ki hiddat main mubtlaa,
Raakh kis ne tere sonay ki si rangat kar di..



Mil hi jaye ga kabhi dil ko yakeen rehta hai..

Designed Shayari

Ahmad Mushtaq

Mil hi jaye ga kabhi dil ko yakeen rehta hai,
Woh isi sheher ki galiyon main kaheen rehta hai,

Jis ki saanson se mehekte thay dar-o-baam tere,
Ae makaan bol kahan ab woh makeen rehta hai,

Ik zamana tha ke sab aik jagah rehte thay,
Aur ab koi kaheen, koi kaheen rehta hai,

Roz milne pe lagta tha ke jagg beet gaye,
Ishq main waqt ka ehsaas nahin rehta hai,

Dil fasurda to hua dekh ke us ko lekin,
Umar bhar kon jawaan kon haseen rehta hai..

مل ہی جائے گا کبھی دل کو یقیں رہتا ہے - احمد مشتاق

Ahmad Mushtaq Poetry



Kab woh sunta hai kahani meri..

Designed Shayari

ghalib poetry

Kab woh sunta hai kahani meri,
Aur phir woh bhi zubaani meri..



Koi faisla to ho ke kidar jana chahiye..

Designed Shayari

koi faisla to ho parveen shakir

Koi faisla to ho ke kidar jana chahiye,
Paani ko ab to sar se guzar jana chahiye,

Har baar erriyon pe gira hai mera lahuu,
Maqtal main ab ba-tarzz-e-digar jana chahiye,

Kya chal saken ge jin ka faqat masla yeh hai,
Jaane se pehle rakht-e-safar jana chahiye,

Jab bhi gaye azaab-e-dar-o-baaam tha wohi,
Akhir ko kitni dair se ghar jana chahiye,

Tohmat laga ke jo maaan pe dushman se daad le,
Aese sukhann-faroshh ko mar jana chahiye..



Hamare dil main ab talkhi nahin hai..

Designed Shayari

javed akhtar poetry

Hamare dil main ab talkhi nahin hai,
Magar woh baat pehle si nahin hai,

Mujhe mayuus bhi karti nahin hai,
Yehi aadat teri achi nahin hai,

Bohat se fayede hain maslehat main,
Magar dil ki to yeh marzi nahin hai,

Har ik ki dastaan sunte hain jaise,
Kabhi hum ne mohabbat ki nahin hai,

Hai ik darwaze bin deewaar-e-duniyaa,
Maffar gham se yahan koi nahin hai..



Un ki farmayesh nayi din raat hai..

Designed Shayari

dagh dehlvi poetry image

Un ki farmayesh nayi din raat hai,
Aur thori si meri auqaat hai..



Main bhi bohat ajeeb hoon..

Designed Shayari

main bhi bohat ajeeb hoon

Main bhi bohat ajeeb hoon itna ajeeb hoon ke bass,
Khud ko tabaah kar liya aur malaal bhi naheen..



Mera zameer bohat hai mujhe saza ke liye..

Designed Shayari

Mera zameer bohat hai mujhe saza ke liye,
Tu dost hai to naseehat na kar khuda ke liye,

Woh kashtiyan meri patvaar jin ke toot gaye,
Woh baadbaan jo taraste rahe havaa ke liye,

Bas ek huuk si dil se uthe ghaTtaaa ki tarah,
Ke harf o saut zaroori nahin dua ke liye,

Jahan main reh ke jahan se barabri ki yeh choTt,
Ik imtehan-e-musalsal meri anaa ke liye,

Main tera dost hoon tu mujh se is tarah to na mil,
Barat yeh rasm kisi suratashnaa ke liye,

Miloon ga khaak main ik roz beej ke manind,
Fanaa pukaar rahi hai mujhe baqaa ke liye,

Jafaa jafaa hi agar hai to ranj kya ho shaz,
Wafa ki pusht-panahi bhi ho jafaa ke liye..

مرا ضمیر بہت ہے مجھے سزا کے لیے - شاذ تمکنت



Ishq ko be-naqaaab hona tha..

Designed Shayari

jigar moradabadi poetry

Ishq ko be-naqaaab hona tha,
Aap apna jawaab hona tha,

Masst-e-jaaam-e-sharaaab hona tha,
Be-khudd-e-izztiraab hona tha,

Teri ankhon ka kuch qasoor nahin,
Haan mujhi ko kharaab hona tha,

Aao mil jaao muskura ke gale,
Ho chuka jo itaab hona tha,

Kuchaaa-e-ishq main nikal aaya,
Ji ka khaana-kharab hona tha,

Hum ne nakaamiyon ko dhoond liya,
Aaakhrish kaamyaab hona tha,

Haaye woh lamhaaa-e-sukooon ke jisse,
Mehshhar-e-iztiraab hona tha,

Nigaaah-e-yaaar khud tarrap uthi,
Shartt-e-awwall kharaab hona tha,

Kyun na hota sitam bhi be-payan,
Karamm-e-behisaab hona tha,

Kyun nazar hairaton main doob gayi,
Maujj-e-sadd-iztiraab honaa tha,

Ho chukaa rozz-e-avvaleen hi ‘jigar‘,
Jis ka jitna kharaab hona tha..


Advertisements

We update our poetry database on daily basis so keep coming back for more Designed Shayari.



love shayari romantic shayari sad shayari nazam shayari