Intezaar Shayari

Ek Ajnabi Se Mujhe Itna Pyaar Kyon Hai
Inkar Karne Par Chahat Ka Ikraar Kyon Hai
Use Pana Nahi Meri Taqdeer Mein Shayad
Phir Har Mod Pe Usi Ka Intezar Kyon Hai

Wafa Mein Ab Ye Hunar Ikhtiar Karna Hai
Woh Sach Kahe Na Kahe Aetbar Karna Hai
Ye Tujko Jagte Rehna Ka Shouk Kabse Hoa
Mojhe Tu Khair Tera Intezar Karna Hai

Intezaar Rehta Har Shaam Tera
Yaadain Katati Hain Le-Le Kar Naam Tera
Muddat Se Baithe Hain Yeh Aas Paale
Ki Aaj Aayega Koi Paigaam Tere

Ab Ki Baras Bhi Vo Nahin Aayaa Bahaar Men
Guzaregaa Aur Ek Baras Intazaar Men

Ye Aag Ishq Kii Hai Bujhaane Se Kyaa Bujhe
Dil Tere Bas Men Hai Na Mere Ikhtiyaar Men

Hai Tuute Dil Men Terii Mohabbat Teraa Khayaal
Khush–Rang Hai Bahaar Jo Guzarii Bahaar Men

Aansuu Nahiin Hai Aankhon Men Lekin Tere Bagair
Vo Kaanpate Huye Hain Dil-E-Beqaraar Men

A Mere Yar Lot Kar A Ja
Ajj Tere Bohat Kami Mehsos Ho Rahe Hai
Na Jane Kis Duniya Main Chala Gaya
Ajj Tere Bohat Yaad A Rahe Hai
Jab Logo Ko Baatain Kartee Dhekta Ho
Tere Baatain Yaad Ate Hai
Tere Saath Guzra Har Lamha
Majhey Tarppata Hai
Ek Hi Sacha Dost Mila Tha
Na Jane Wo Bhi Kaha Chala Gaya Hai
Ek Tu Hi Tha Jis Se Apni Dil Ki Har Baat Kartee Tha
Ab Kis Se Apna Dil Ki Baatain Kare Gai Tu Hi Nehi Hai
Jab Bhi Tanha Hote Tha Tum Se Baat Kar Leta Tha
Ajj Tum Nehi Ho As Liye Bus Ab Apni Tanhaiyo Se Baatain Kartee Hai
Tumhre Saath Guzra Har Waqt
Ab Bohat Yaad Ata Hai
Dost Tu Bohat Mila Tha As Zindagi Main
Per Ajj Tak Kio Dost Tere Jasa Na Mila Hai
Dil Ki Nazro Se Bohat Dhooda
Per Tere Jasa Dost Dhoodna Se Bhi Na Mila Hai
Naseeb Se Ek Dost Mila Tha
Badnaseebi Se Wo Bhi Majhe Se Bichar Gaya Hai
Yaroo Sab Hath Utha Kar Duwa Karoo Wo Lot Kar A Jaye
Ajj Us Ki Yaado Main Aso A Rahe Hai
Kuch To Jadu Tha Us Main Tanish
Jo Us Ki Baatain Ajj Bhi Yaad Ate Hai

Har Sham Se Tera Izhaar Kiya Karte Hai
Har Khwab Me Tera Didar Kiya Karte Hai
Diwane Hi To Hai Hum Tere
Jo Har Waqt Tere Milne Ka Intzaar Kiya Karte Hai

Tu Paas Bhi Ho Tu Dil Beqaraar Apna Hai
K Ham Ko Tera Nahi Intezar Aapna Hai

Woh Dur Ho Tu Baja Terk-E-Dosti Ka Khiyal
Woh Saamnay Ho Tu Kab Ikhtiyaar Apna Hai

Zamanay Bher K Dukhon Ko Laga Liya Dil Se
Is Aasray Pe K Aik Ghamgusaar Apna Hai

Milay Koi Bhi Tera Ziker Chair Daitay Hain
K Jaisay Saara Jahan Raazdaar Apna Hai

Doob Rahi Hain Saansain Magar Ye Gumaan Baaqi Hai
Aaney Ka Kisi Shakhs Ke Abhi Imkaan Baaqi Hai

Muddat Hoee Ek Shakhs Ko Bichrhey Lekin
Aaj Tak Merey Dil Pe Ek Nishaan Baaqi Hai

Wo Saayibaan Chin Gaya To Koi Gham Nahee
Abhi To Merey Sir Pe Ye Aasmaan Baaqi Hai

Kashti Zara Kinaarey Ke Qareeb He Rakhna
Biphri Hoee Lehron Mein Abhi Toofaan Baaqi Hai

Tumharey He Ashkon Ne Lab Si Diye Warna
Abhi To Merey Dukhoon Ki Bohut Daastan Baaqi Hai

Ghamon Se Keh Do Ke Abhi Na Rakht-e-Safar Baandhain
Ke Abhi To Merey Jism Mein Kuch Aur Jaan Baaqi Hai

Ja Chukey Hain Sab Log Khamosh Parhi Hai Basti
Magar Kisi Aas Pe Ek Makeen-e-Makaan Baaqi Hai

Tere Firak Ke Lamhe Shumar Kerte Howe
Bekhar Gaye Tera Intazar Kerte Howe

To Main Bhi Khush Hoon Koi Us Say Jake Keh Day
Agar Woh Khush Hai Mujhe Bekarar Kerte Howe

Main Muskarata Howa Ainay Main Ubher Aonga
Woh Roo Paregi Achanak Singhar Kerte Howe

Tumhe Khaber Hi Nahi Koi Toot Gaya
Mohabbaton Ko Bohat Paidar Kerte Howe

Woh Keh Rahi Thi Samander Nahi Hain Ankhain Hain
Main Un Main Doob Gaya Aitebar Kerte Howe

Mujhe Khaber Thi Ke Abh Loot Ker Na Aooga
Tujh Ko Yaad Kiya Der Paar Kerte Howe

Zahanaton Ko Kahan Karb Se Farar Mila
Jise Nigaah Milii Usako Intazaar Mila

Vo Koii Raah Kaa Patthar Ho Yaa Hasiin Manzar
Jahan Se Raastaa Thaharaa Vahiin Mazaar Mila

Koii Pukaar Rahaa Thaa Khulii Fizaaon Se
Nazar Uthaaii To Chaaro Taraf Hisaar Milaa

Har Ek Saans Na Jaane Thii Justajuu Kis Kii
Har Ek Dayaar Musaafir Ko Bedayaar Milaa

Ye Shahar Hai Ki Numaish Lagii Huii Hai Koii
Jo Aadamii Bhii Milaa Banake Ishtahar Milaa