Latest Audio Poetry

Latest Designed Poetry

  • terelehjese-thumb
  • hardardpehnlena-thumb
  • farzkaro-thumb
  • merisarizindagi-thumb
  • 13219700_1142358475815279_1746674834_n
facebook like
twitter

Urdu Jon Elia

Ranjish.com has lots of Urdu Jon Elia Poetry. Feel free to add your own Jon Elia Shayari here.


-



Jon Elia

Jon Elia
1931-2002

Find the best poetry of Jon Elia. Jon Elia or Jaun Elia was a famous male poet from Pakistan. Sadly he was not able to write too many poetry books. We bring you the best poetry of Jon Elia in urdu language. His poetry books were Shayad, Ya’ani, Gumaan, Lekin, Goya and Famood.



Masoom kis qadar tha main..

Jon Elia

masoom kis qadar

Masoom kis qadar tha main aghaaz-e-ishq main,
Aksar to us ke saamne sharmaa geya hoon main..



Yeh gham kya dil ki aadat hai? nahin to..

Jon Elia

Yeh gham kya dil ki aadat hai? nahin to!
Kisi se kuch shikayat hai? nahin to!

Hai woh aik khawb-e- be-tabeer us ko,
Bhula dene ki niyat hai? nahin to!

Kisi ke bin, kisi ki yaad ke bin,
Jiye jaane ki himmat hai? nahin to!

Kisi surat bhi dil lagta nahin.
Haan, to kuch din se yeh halat hai? nahin to!

Tere is haal per hai sab ko hairat,
Tujhe bhi iss pe hairat hai? nahin to!

Hum-aahngi nahin duniya se teri,
Tujhe iss per nidaamat hai? nahin to!

Aziyat-naak umeedon se tujh ko,
Amaa’n paane ki hassrat hai? nahin to!

Tu rehta hai khayal-o-khawb main gum,
To iss ki wajah furssat hai? nahin to!

Wahan walon se itni mohabbat,
Yahan walon se nafrat hai? nahin to!

Sabbab jo is judaayi ka bana hai,
Woh mujh se khoobsurat hai? nahin to!

Listen this Poetry »



Har baar mere samne aati rahi ho tum..

Jon Elia

Har baar mere samne aati rahi ho tum,
Har baar tum se mil ke bicharta raha hon main,
Tum kaun ho yeh khud bhi anhin janti ho tum,
Main kaun hoon yeh khud bhi nahin janta hon main,
Tum mujh ko jaan kar hi parri ho azaab main,
Aur iss tarah khud apni saza ban geya hoon main,

Tum jis zameen par ho main us ka khuda nahin,
Pass sar-ba-sar aziyat o aazaar hi raho,
Bezaar ho gayi ho bohat zindagi se tum,
Jab bass main kuch nahin to bezaar hi raho,
Tum ko yahan ke saaya o partau se kya gharazz,
Tum apne haq main beech ki dewaar hi raho,

Main ibtidaa se ishq se be-mehr hi raha,
Tum intihaa-e-ishq ka meyaar hi raho,
Tum khoon thookti ho yeh sun kar khushi huyi,
Iss rang is adaa mai bhi purkaar hi raho,

Main ne yeh kab kaha tha mohabbat main hai nijaat,
Main ne yeh kab kaha tha wafadaar hi raho,
Apni mata-e-naaz lutaa kar mere liye,
Bazar-e-iltifaat main nadaar hi raho,

Jab main tumhen nishaat-e-mohabbat na de saka,
Gham main kabhi sukuun-e-rifaaqat na de saka,
Jab mere sab charaagh-e-tamanna havaa ke hain,
Jab mere saarey khawb kisi bewafaa ke hain,
Phir mujh ko chaahne ka tumhe koi haq nahin,
Tanhaa karaahne ka tumhen koi haq nahin..

Listen this Poetry »



Mera ik mashwraa hai iltijaa nahin..

Jon Elia

mera ik mashwara hai iltijaa nahin
Mera ik mashwraa hai iltijaa nahin,
Tu mere paas se is waqt jaa nayeen,

Koi dum chain parr jata mujhe,
Magar main tujh se dum bhar ko juda nayeen,

Safar darpesh hai aik be-masaafat,
Masaafat ho to koi faasla nayeen,

Mohabbat kuch na this juz bad-hawaasi,
Ke woh band-e-qabaa hum se khulaa nayeen,

Chalaaye teer to kis kis ne lekin,
Mera qaatil koi tere siwaa nayeen,

Bicharr kar jaan tere aastaan se,
Lagaya jee bohat pr jee laga nayeen,

Hamara aik hi to mudaa.aa tha,
Hamara aur koi mudaa.aa nayeen,

Kabhi khud se mukkar jaane me kya hai,
Main dastaawaiz pr likha hua nayee,

Yahin sab kuch tha jis dum woh yahan tha,
Chale jaane se us ke jaane kya nayeen,

Woh hijr o vasl tha sab khawb dar khawb,
Woh saara maajraa jo tha, woh tha nayeen,

Judaayi apni be-rudaad si thi,
Ke main roya na tha, aur phir hansa nayeen..



Umar guzre gi imtihaan main kya..

Jon Elia

Umar guzre gi imtihaan main kya,
Daagh hi do ge daan main kya,

Khamoshi keh rahi hai kaan main kya,
Aa raha hai mere gumaan main kya,

Ab koi mujh ko tokta bhi nahin,
Yehi hota hai khaandaan main kya,

Bolte kyun nahin mere haq main,
Aable parr gaye zabaan main kya,

Meri har baat be-assar hi rahi,
Nuqss hai kuch mere beyaan main kya,

Woh mile to yeh poochna hai mujhe,
Ab bhi hoon main teri amaan main kya,

Yeh mujhe chain kyun nahin parrta,
Aik hi shakss tha jahaan main kya..

Listen this Poetry »



Ik teri baraabri ke liye..

Jon Elia

ik teri baraabri ke liye
Ik teri baraabri ke liye,
Khud ko kitna gira chuka hon main..



Zindagi kya hai aik kahaani hai..

Jon Elia

Zindagi kya hai aik kahaani hai,
Yeh kahani nahin sunaani hai,

Hai khuda bhi ajeeb yaani jo,
Na zameeni na aasmaani hai,

Hai mere shauq-e-vasl ka yeh gila,
Us ka pehlu sara-e-faani hai,

Yeh hai lamhon ka ek shehr-e-azal,
Yaan ki har baat na-gahani hai,

Rang ki apni baat hai warna,
Aakhirash khuun bhi to paani hai,

Shaam hai aur sehn main dil ke,
Ik ajab huzn-e-aasmani hai..



Ab ku-e-yaar tere zamaane guzar gaye..

Jon Elia

Ab ku-e-yaar tere zamaane guzar gaye,
Jo apne ghar se aaye they woh ghar gaye,

Ab kaun zakham-o-zeher se rakhe ga silsila,
Jeene ki ab havass hai humen hum to mar gaye,

Ab kya kahoon ke saara mohalla hai sharamsaar,
Main hoon azaab main ke mere zakham bhar gaye,

Hum ne bhi zindagi ko tamaasha bana diya,
Uss se guzar gaye kabhi khud se guzar gaye,

Tha ran bhi zindagi ka ajab turfa maajra,
Yaani uthe to paaon magar Jon sar gaye..



Ab woh ghar tak viraana tha bas viraana zinda tha..

Jon Elia

Ab woh ghar tak viraana tha bas viraana zinda tha,
Sab aankhen damm torr chuki theen aur main tanha zinda tha,

Saari galli sunsaan parri thi baad-e-fana ke pehre main,
Hijr ke dalaan aur aangan main bass ik saaya zinda tha,

Woh dopeher apni rukhsat ki aisa waisa dhoka thi,
Apne andar apni laash uthaaye main jhuuta zinda tha,

Theen woh ghar raaten bhi kahaani vaade aur phir din ginn’na,
Aana tha jaane wale ko jaane wala zinda tha,

Dasstak dene waale bhi they dastak sunn’ne waale bhi,
Thaa abaad mohallah saara har darwaaza zinda tha,

Peele patton ko seh-pehr ki vehshat pursaa deti thi,
Aangan main ik aundhe gharre par bass ik kavva zinda tha..



Aakhri baar aaah kar li hai..

Jon Elia

Aakhri baar aaah kar li hai,
Maine khud se nibaah kar li hai,

Apne sar ik balaa to leni thi,
Maine woh zulff apne sar li hai,

Din bhalaa kis tarah guzaro ge,
Vasl ki shab bhi ab guzaar li hai,

Jaan-nisaaron per vaar kya karna,
Maine bass hat me sipar li hai,

Jo bhi maango udhaar doon ga main,
Uss gali me dukaan kar li hai,

Mera khashkol kab se khaali hai,
Maine iss me sharaab bhar li hai,

Aur to kuch nahin kiya mene,
Apni haalat tabaah kar li hai,

Shaikh aaya tha mohtasib ko liye,
Maine bhi un ki woh khabar li hai..


Advertisements

We update our poetry database on daily basis so keep coming back for more Jon Elia.



love shayari romantic shayari sad shayari nazam shayari

RSS Shayari

  • Dhoop main saaya bane tanha kharre.. May 26, 2016
    Dhoop main saaya bane tanha kharre hote hain, Barre logon ke khasaaray bhi barre hote hain..… The post Dhoop main saaya bane tanha kharre.. appeared first on Ranjish.com.
  • Phir se tootay ga dil yeh bechaara.. May 24, 2016
    Phir se tootay ga dil yeh bechaara, Phir wohi bewafa hai aur main hoon.. Ibn-e-muneeb… The post Phir se tootay ga dil yeh bechaara.. appeared first on Ranjish.com.
  • Tere lehje se kyun laga mujh ko.. May 23, 2016
    Tere lehje se kyun laga mujh ko, Tu mere roothne pe raazi hai..… The post Tere lehje se kyun laga mujh ko.. appeared first on Ranjish.com.
  • Har dard pehen lena, har khawb main kho jana.. May 22, 2016
    Har dard pehen lena, har khawb main kho jana, Kya apni tabiyat hai, har shakhss ka ho jana, Ik sheher basaa lena bichrre huye logon ka, Phir shab ke jazeere main dil thaam ke so jana, Mozuu sukhan kuch ho, ta-dair usay takna, Har lafz pe ruk jana, har baat pe kho jana, Aan to […]
  • Main musafir hoon, khataayen bhi hui hain mujh se.. May 21, 2016
    Main musafir hoon, khataayen bhi hui hain mujh se, Tum taraazuu main mere paaon ke chaalay rakhna..… The post Main musafir hoon, khataayen bhi hui hain mujh se.. appeared first on Ranjish.com.
  • Farz karo hum ehl-e-wafaa hon.. May 20, 2016
    Farz karo hum ehl-e-wafaa hon, farz karo deewane hon, Farz karo yeh dono baaten jhooti hon afsaane hon..… The post Farz karo hum ehl-e-wafaa hon.. appeared first on Ranjish.com.
  • Kis kis ki zubaan rokne jaaon teri khaatir.. May 19, 2016
    Kis kis ki zubaan rokne jaaon teri khaatir, Kis kis ki tabaahi main tera haath nahin hai..… The post Kis kis ki zubaan rokne jaaon teri khaatir.. appeared first on Ranjish.com.
  • Meri saari zindagi ko be-samar us ne kiya.. May 18, 2016
    Meri saari zindagi ko be-samar us ne kiya, Umar meri thi magar us ko bassar us ne kiya, Main bohat kamzor tha us mulk main hijrat ke baad, Pr mujhe us mulk main kamzor-tar us ne kiya, Sheher main woh moatbar meri gawaahi se hua, Phir mujhe uss sheher main na-moatbar us ne kiya, Sheher […]
  • Aur bhi gham hain zamaane main.. May 17, 2016
    Aur bhi gham hain zamaane main mohabbat ke siwa, Raahaten aur bhi hain vasl ki rahat ke siwa..… The post Aur bhi gham hain zamaane main.. appeared first on Ranjish.com.
  • Teri khushbu nahin milti, tera lehja nahin milta.. May 15, 2016
    Teri khushbuu nahin milti, tera lehja nahin milta, Humen to sheher main koi tere jaisa nahin milta, Yeh kesi dhund main hum tum safar aghaaz kar bethe, Tumhe ankhen nahin milti, humen chehra nahin milta, Har ik tadbeer apni raayegaan thehri mohabbat main, Kisi bhi khawb ko tabeer ka rasta nahin milta, Bhala us ke […]