audio poetry

Latest Video Poetry

design poetry

Latest Designed Poetry

  • agahapni-thumb
  • shart-thumb
  • khushkhush-thumb
  • wohwaqtkajahaz-thumb
  • jakelaut-thumb
facebook like
twitter

Munir Niazi

Ranjish.com has lots of Urdu Munir Niazi Poetry. Feel free to add your own Munir Niazi Shayari here.

Munir Niazi Collection

Munir Niazi Munir Niazi
1928-2006

Munir Niazi was born in Khanpur to the Niazi tribe. “Taiz Hawa Aur Tanha Phool” was his most popular book although “Jungle mein Dhanak”, “Dushmanoon Kai Darmiyan Sham” and “Mah-e-Munir” also did quite well all over the world.
We bring you the best Munir Niazi Poetry right here at one place.



Shikwa karen to kis se shikayet karen to kya..

Munir Niazi

Munir Niazi Poetry

Shikwa karen to kis se shikayet karen to kya,
Ik raayegaan amal ki reyazat karen to kya,

Jis sheyy ne khatam hona hai akhir ko aik din,
Us sheyy ki itne dukh se hifazat karen to kya,

Maani nahin munir kisi kaam main yahan,
Itaat karen to kya, baghaawat karen to kya..



Meri saari zindagi ko be-samar us ne kiya..

Munir Niazi

meri sari zindagi

Meri saari zindagi ko be-samar us ne kiya,
Umar meri thi magar us ko bassar us ne kiya,

Main bohat kamzor tha us mulk main hijrat ke baad,
Pr mujhe us mulk main kamzor-tar us ne kiya,

Sheher main woh moatbar meri gawaahi se hua,
Phir mujhe uss sheher main na-moatbar us ne kiya,

Sheher ko barbaad kar ke rakh diya us ne munir,
Sheher pr yeh zulm mere naam pr us ne kiya..



Laazim nahin ke us ko bhi mera khayal ho..

Munir Niazi

lazim nahin munir niazi

Laazim nahin ke us ko bhi mera khayal ho,
Mera jo haal hai wohi uss ka bhi haal ho,

Koi khabar khushi ki kahin se mile munir,
Iss roz-o-shab main aesa bhi ik din kamaal ho..



Qaid main hoon rihaa nahin karta..

Munir Niazi

Aayina ab juda nahin karta,
Qaid main hoon rihaa nahin karta,

Mustaqil sabr main hai koh-e-giraan,
Naqsh-e-ibrat sadaa nahin karta,

Rang-e-mehfil badalta rehta hai,
Rang koi wafaa nahin karta,

Aish-e-duniya ki justjuu mat kar,
Yeh dafeena mila nahin karta,

Jee main aaye jo kar guzarta hai,
Tu kisi ka kahaa nahin karta,

Ek waaris hamesha hota hai,
Takht khaali raha nahin karta,

Ehd-e-insaaf aa raha hai munir,
Zulm daaayem raha nahin karta..



Ranj-e-firaaqt-e-yaar main ruswaa nahin hua..

Munir Niazi

munir niazi ghazal

Ranj e firaaq e yaar main ruswaa nahin hua,
Itna main chup hua ke tamasha nahin hua,

Aesa safar hai jis main koi hamsafar nahin,
Rasta hai is tarah ka ke dekha nahin hua,

Mushkil hua hai rehna humen iss dayaar main,
Barson yahan rahe hain yeh apnaa nahin hua,

Woh kaam shah-e-sheher se ya shehr se hua,
Jo kaam bhi hua yahan acha nahin hua,

Milna tha aik bar usay phir kahin munir,
Aesa main chahta tha pr aesa nahin hua..



Khawb hote hain dekhne ke liye..

Munir Niazi

khawb hote hain dekhne ke liye

Khawb hote hain dekhne ke liye,
In main ja kar raha na karo..



Ik aaalam-e-hijraan hi ab hum ko pasand aaya..

Munir Niazi

Ik aaalam-e-hijraan hi ab hum ko pasand aaya,
Yeh khaana-e-viraaan hi ab hum ko pasand aaya,

Benaaam-o-nishaan rehna ghurbat ke ilaaqe main,
Yeh sheher bhi dilkash tha tab hum ko pasand aaya,

Tha laal hua manzar suuraj ke nikalne se,
Woh waqt tha woh chehra jab hum ko pasand aaya,

Hai qataa-e-talluq se dil khush to bohat apna,
Ik hadh hi banaa lena kab hum ko pasand aaya,

Aana woh Munir uss ka be-khauf-o-khatar hum tak,
Yeh turfaa tamaasha bhi shab hum ko pasand aaya..



Ashk-e-ravaan ki nehr hai aur hum hain dosto..

Munir Niazi

hum hain dosto

Ashk-e-ravaan ki nehr hai aur hum hain dosto,
Uss bewafa ka shehr hai aur hum hain dosto,

Yeh ajnabi si manzilein aur raftgaan ki yaad,
Tanhaayiyon kaa zehr hai aur hum hain dost,

Laayi hai ab urraa ke gaye mausmon ki baas,
Barkhaa ki rut ka qehr hai aur hum hain dosto,

Phirte hain misl-e-mauj-e-huaaa shehr mein,
Awaargi ki lehr hai aur hum hain dosto,

Shaam-e-aalam dhalli to chalii dard ki havaa,
Raaton ki pichlaa pehr hai aur hum hain dosto,

Aankhon mei urr rahi hai lutti mehfilon ki dhool,
Ibrat saraa-e-dehr hai aur hum hain dosto..



Aayina ab judaa nahin karta..

Munir Niazi

Aayina ab judaa nahin karta,
Qaid mei hoon rihaa nahin karta,

Mustaqil sabr mei hai koh-e-giraan,
Naqsh-e-ibrat sadaa nahin karta,

Rang-e-mehfil badaltaa rehta hai,
Rang koi wafaa nahin karta,

Aish-e-duniyaa ki justujuu mat kar,
Yeh dafeena mila nahin karta,

Ji main aaye jo kar guzarta hai,
Tuu kisi ka kahaa nahin karta,

Ek waaris hamesha hota hai,
Takht khaali rahaa nahin karta,

Ehd-e-insaaf aa raha hai “munir”,
Zulm daayem hua nahin karta..



Gham ki barish ne bhi tere naqsh ko dhoya nahin..

Munir Niazi

Gham ki barish ne bhi tere naqsh ko dhoya nahin,
Tuu ne mujhe ko khho diya maine tujhe khoya nahin,

Neend ka halka gulaabi sa khumaar aankhon main tha,
Yuun laga jaise woh shab ko dair tak soyaa nahin,

Har taraf deewaar-o-dar aur un main aankhon ke hujoom,
Keh sake jo dil ki haalat woh lab-e-goyaa nahin,

Jurm aadam ne kiya aur nasl-e-aadam ko saza,
Kaat.taa hoon zindagi bhar main ne jo boyaa nahin,

Jaanta hoon ek aise shakss ko main bhi Munir,
Gham se pathar ho geya lekin kabhi royaa nahin..


Advertisements

We update our poetry database on daily basis so keep coming back for more Munir Niazi.



love shayari romantic shayari sad shayari nazam shayari