Dard Bhari Shayari

Wo kehta tha!
Tum aao sheher mera ghaur se, nazdeek se dekho
Yahan k log aur un ki saqafat. . .aur
Kisi ko paa k khonay ki haseen lazzat
Yahan ka rehna, basna, bolna, hansna
Muhabbat k anokhay roop
In ki chaa’on in ki dhoop tum dekho!
Yahan k jazbay boht sachay, boht achay boht masoom hoty hain
Mery dil ne kaha aao samander choo k dekhaingy
Wahan ja kar laga wo sheher mera hai
Wahan sahil bhi mera us pe likhy khuwab mery hain
Samander ki sabhi mauj’on pe mery aks thehery hain
Wo saray log mery hain sabhi manoos chehray hain
Wahab mitt, hawain, phool, pathar tak lagy apny
Magar ik ajnabi c,daimi dil ko kasak is shakhs ne bakhsi
jo aksar tang karti hai, jo mujh se jang krti hai
Boht socha k aisa kyun hua, kaisy hua aakhir
Tou dil ne holay holay se kaha ye sab to hona tha
Tumhain us shakhs se milna, usey pana, khona tha
Azal se is tarha hota chala aya
Anokha bhaid hai is ko kisi ne kab, kahan paaya
Bus itni baat tum ko yaad rakhni hai
Tumhain us se muhabbat hai
Laga chaar’on taraf fitrat pukaar uthi
Tumhain us se muhabbat hai, Tumhain us se muhabbat hai
Mery dil ne mery honton ne bhi iqraar ki manzil choo kar
kah diya Yak Dam
Mujhy Us se Muhabbat Hai
MUJHY US SE MUHABBAT HAI. . !

Haal-e-dil hum bhi sunatey lekin..
Jab rukhsat hua tab yaad aya!

Hazoor ap shab arai’yan kar’ein lekin.!
Faqat namod-e-sehar tak charag jaltey hein…

Hamaray darmian qayam hai jo
Is rabt ko kia naam do gay tum?

Zara socho!

Azal se hi zamana chahat’on k dard se na-aashna thehra
Lughat mein iski khushbu sa koi bhi lafz
Shamil hi nahi jana
Ye jab chahay milan k rung mein
Aa kar judai ghol deta hai
Ujalay ko ye jab chahay siyah kar de
Sitar’on ko fana kar de
Muhabbat Saneha Kar De. . !

Ye dil gehra samander hai
Aur is mein ik jazera hai muhabbat nam hai jis ka
Sitar’on ki tarha roshan, damakta, muskurata
Khushbo’on rang’on mein doba
Sarab’on ki tarha sey bhi hum is ko qaid ker nahi saktey hargiz
Wo titli ki tarha sey ungli’on sey sard por’on ko
Dhanak sa ker to deta hai
Magar kuch dair mein khawaj=hish key sahil per pari
Gili si,thandi sir ait jesa ban jata hai
Hawa’on ki tarha sey hum bhi is ko cho to saktey hein
Magar koi taluq der pa qaim kabhi nahi ker saktey
Ye dil gehra samander hai
Aur is mein ik jazera hai muhabbat nam hai jis ka

Kahan gaye sheher k zaalim log?
Kahan gaeen sheher ki zaalim batain?

Way na rahay tum sajan
Aur na rahi mulaqatain

Ik shakhs tum se kah raha hai ‘Gul’
Ataa karo mujhko wohi dukh ki saughaatain. . !

Mein rokna bhi chah’on to tujhey rok nahi sakta
Hamarey dastoor mein janey waley ko roka nahi keraty

Meri mout per bhi tum nana ‘Gul’
Hum ney suna hai chahney walo’n ko rulaya nahi kertay

Sadi’yon sey rothey ko ab aaye hein mananey
Wo kab ka ghar chor chukka, aye hein isey ghar laney

Jis key kisi patey mein bhi khusbo ka ik zara nahi raha
Lagey hein is guldan ko angan mein sajaney

Zaman kitna be-reham hai key jab mar chukey
To laga hai qabr’on ko ab milaney

Ye kia majra hua hai ‘Gul’ key
Lagey ho mazloom ki kahani zalim ko sunaney

Aaj shab mein jag raha tha
Sehan mein betha soch raha tha
Itney mein chupkey sey
Chand meray pas aa betha
Aur kehnay laga
Ik bar chali jaye to
Ye zindagi laut key nahi aati
Ye keh ker wo
Kahin door badal’on ki oot mein
Chup gaya
Aur mein ney hawa’on key hath ye sandesa bheja
Mujhey ik bar aa key mil jao
Ye zindagi
Laut ker nahi ati
Usey kehna

Youn to pas sey hazar bar guzra
Aaj is liye aya key bemar tha

Sarkash lehja aur mathey pey bal
Janey isey jis cheez ka khumar tha

Wo ghusey mein aur bhi nikharta jar aha tha
Ye us ka husn tha ya mera piyar tha