Designed Shayari

Ranjish.com has lots of Urdu Designed Shayari Poetry. Feel free to add your own Designed Shayari Shayari here.

Designed Shayari Collection

Designed Poetry is a form of poetry which is in the form of picture. This kind of Urdu Designed Poetry is made up in photoshop. This is a pure art, to represent your thoughts in a picture. Designed Poetry is hugely popular in pakistan, people love reading Designed Poetry because its not in text so its not boring to read. This is often called Urdu Picture Poetry.



Yeh vasl kya ke khuda toor hi jalaa de yaar..

Designed Shayari

Yeh vasl kya ke khuda toor hi jalaa de yaar,
Maza to jab hai ke woh arsh par jagah de yaar,

Main roz khawb main oonchi jagah se girta hoon,
Tu mujh ko choRrne wala hai to bata de yaar,

Yeh hijr-o-vasl ke qisse to sab ne likhe hain,
Tu sher baandh raha hai to kuch naya de yaar,

Tu mere baad unhe phir bula le mehfil main,
Bas aik baar mere samne utha de yaar,

Woh mera ho nahin sakta to ae musawwar sun,
Hamari sath main tasveer hi bana de yaar..



Jahan par dosti ho us jagah anaayen kya..

Designed Shayari

Jahan par dosti ho us jagah anaayen kya,
Kahe agar tere pairon main beth jayen kya,

Jo naao paar gayi laut kar nahin aati,
Jo shakhss doob gaya hai usse bachayen kya,

Kisi ki yaad main jaagen sitare dekhen hum,
Sulag raha hai jo cigarette usse bhujayen kya,

Tumhare baad koi zakham kyun karen taaza,
Guzar chuka hai jo us par lahuu bahayen kya,

Kisi ki neend meri neend kese ho jaye,
Kisi ke khawb meri ankh main samayen kya..



Wehshat ke kaarkhane se taza ghazal nikaal..

Designed Shayari

Wehshat ke kaarkhane se taza ghazal nikaal,
Ae sabr ke darakht mera meetha phall nikaal..



Woh qayamat se pehle nahin milne wala..

Designed Shayari

Woh qayamat se pehle nahin milne wala.
Kis liye phir dil betaab liye phirte ho,

Hum se tehzeeb ka daman nahin choRra jata,
Dasht-e-wehshat main bhi adaab liye phirte ho..



Seene main jalan, ankhon main tufan sa..

Designed Shayari

Seene main jalan, ankhon main tufan sa kyun hai,
Is sheher main har shakhs pareshan sa kyun hai..



Hosh walon ko kya khabar kya bekhudi kya cheez hai..

Designed Shayari

Hosh walon ko kya khabar kya bekhudi kya cheez hai,
Ishq kijiye phir samajhiye zindagi kya cheez hai..



Karoon ga kya jo mohabbat main ho geya nakaam..

Designed Shayari

Karoon ga kya jo mohabbat main ho geya nakaam,
Mujhe to aur koi kaam bhi nahin ata..



Aur bhi dukh hain zamane main..

Designed Shayari

Aur bhi dukh hain zamane main mohabbat ke siwa,
Rahatain aur bhi hain vasl ki rahat ke siwa..



Tu ne kuch bhi na kaha ho jese..

Designed Shayari

Tu ne kuch bhi na kaha ho jese,
Mere hi dil ki sadaa ho jese,

Yuun teri yaad se jee ghabraya,
Tu mujhe bhool geya ho jese,

Is tarah tujh se kiye hain shikwe,
Mujh ko apne se gila ho jese,

Tere honton ki haffi se larzish,
Ik haseen sher hua ho jese..



Azeez itna hi rakho ke jee sambhal jaye..

Designed Shayari

Azeez itna hi rakho ke jee sambhal jaye,
Ab is qadar bhi na chaho ke damm nikal jaye..


Advertisements

We update our poetry database on daily basis so keep coming back for more Designed Shayari.



love shayari romantic shayari sad shayari nazam shayari