Ghazal Shayari

Libas Tan Se Utaar Dena,
Kisi Ko Banhon Ke Haar Dena,
Phir Uske Jazbon Ko Maar Dena,
!! Ager Mohabat Yehi Hai Jana To Maaf Karna Mujhe Nehi Hai!!

Gunah Karne Ka Soch Lena,
Haseen Pariyan Daboch Lena,
Phir Uski Aankhein Hi Noch Lena,
!! Ager Mohabat Yehi Jana To Maaf Karna Mujhe Nehi Hai!!

Kisi Ko Lafzon Ke Jaal Dena,
Kisi Ko Jazbon Ki Dhaal Dena,
Phir Uski Izzat Uchaal Dena,
!! Ager Mohabat Yehi Hai Jana To Maaf Karna Mujhe Nehi Hai!!

Andhair Nagri Mein Chalty Jana,
Haseen Kaliyan Masalty Jana,
Aur Apni Fitrat Pe Muskurana,
Ager Mohabat Yehi Hai Jana To Maaf Karna Mujhe Nehi Hai

Khayalon main faqat ek sholah e awaaz baki hay
Na koi geet baki hay na koi saaz baki hai

Sab apney bhayd ham nay faash kar daalay zamanay par
Magar jo tuj sey kehna tha wohi ek raaz baki hai

Khudaawand hamien phir sey naii ek zindagi dey dey
Bareeda par hain lekin hasrat e parwaaaz baki hai

Nazar main raat k pichhlay pehar jesi khamoshe hay
Magar dil k dharakne ka wohi andaaaz baaki hai

Qateel is ehd-bey-maani main lafzon ka hay yeh aalam
Ke maani ho gaye rukhhsat faqat awaaaz baki hai

(Khudawand:God)(Bhayd:Secrets)(Faash:Leaked out)(Rukhsat:Departure)

Ab ke ehsaan jataney bhi nahin aya koi
Mein jo rootha tou mananey bhi na aya koi

Aik woh door ke soney bhi na dete they mujhe
Aik yeh wakt ke jaganey bhi na aya koi

Dag-magata tha tou sou hath lapakte they mujhe
Gir gaya hoon tou uthaney bhi nahin aya koi

Janey ahbab pe kya guzri, khuda kher kare
Arsay se neya zakham laganey nahin aya koi

Aese utra hoon dilon se ke hansaana tou kuja
Aik muddat se rulaney bhi nahin aya koi

Yun tou so baar, toota, jura, magar ab ke amin
Aese toota ke bananey bhi nahin aya koi

Deewar hai kisi ki, dareecha kisi ka hai
Lgta hai ghar ka ghar hi asasa kisi ka hai

Ik aur hath bhi hai pas-e-raqs heela jo
Hum tum tou putliyaan hain, tamasha kisi ka hai

Yeh jo hain mere paon kisi aur ke na hon
Chal mein raha hon, Naksh kuf e paa kisi ka hai

Ashkon se bhar raha hon mein apni dareeda mashk
Itne barss ke bad bhi darya kisi ka hai

Kese kahoon ke apni zubaan bolte hain hum
Alfaaz shayed apne hon, lehja kisi ka hai

M

Yeh na samajh ke bichra hoon tou bhol geya hoon tujhe
Tere hathon ki khushboo mere hathon mein aaj bhi hai

Yeh aur baat hai majbooriyon ne nibhaney na di dosti
Warna shaamil sachayi meri wafaon mein aaj bhi hai

Mohabbat se barh ker tumse akeedat hai mere dost
Yun buland sab doston mein mukaam tera aaj bhi hai

Chahta hu atiq ke har lamha zindagi mein mohabbat ho
Shaamil tu meri tamaam duyaaon mein aaj bhi hai

So kissey hain milte juley, aik majboori theek nahin
Jo kehna hai khul ker keh de, baat adhoori theek nahin

Koi heela, koi bahana, koi munasib raah nikaal
Mujhse aese milte rehna, gher zaroor theek nahin

Roz mohabbat ho jaye hai, chalte phirte logon se
Geet adhoray, khawb adhooray, yeh mazdoori thek nahin

Ik shikayet ke badle, sab ka sab mujhe ilzam na de
Kuch kuch teri baat hai sachi, lekin poori theek nahin

Gazab ka husno sabab dekha
zameen par mahtab dekha

Khiza raseeda chaman mein aksar
Khila khila sa gulab dekha

Kisi ke rukh pe parisa gesoo
kisi ke rukh pe nakab dekha

Wo aae milne yakin kar loo
Ki meri aankho ne khwab dekha

Lo tooti tauba lo chhanke sagar
Jo unko peete sarab dekha

Na dekhoo roze hisab ya rab
Zamee pe jitna azab dekha

Milega insaf kaise ‘shahid’
sadakto pe nakab dekha.

Kahan itni saza’en thi bhala is zindgani mein,
Hazaron ghar huwe roshan jab mera dil jala MOHSIN.

Faqat ik lafz “MOHABBAT” ki hum ne bheek mangi thi,
Taras gaye khushi ko hum mili hai ye saza MOHSIN.

Sukoon e zindagi chora ik teri zaat ki khatir,
Magar phir bhi meri chahat se tum ko hai gila MOHSIN.

Toota huwa ye dil le kar main kis k paas jaonga,
Hai kaun wo karay ga jo mere dil ki dawa MOHSIN.

Teri ankhain teri sansain tera chehra teri dharkan,
Main kaise bhool paön ga teri har ik adaa MOHSIN.

Kisi ko kya khabar mujh par har pal kya guzarti hai,
Meri saari kahani ka hai tu hi aashna MOHSIN.

Nahi qaabil tere lekin munasib jo agar samjho,
Yaad rakhna duaon mein yehi hai ilteja MOHSIN.

Sabhi Ashk Aankhon Main Aa Gae
Na Chhupa Saky Na Bata Saky

Wo jo Bhed Tha Wo Khul Gya,
Koi Baat B Na Chhupa Saky

Na Wafa Rahi, Na Jafa Rahi,
Na Wo Dil Raha, Na Hum Rahy

Us ki Yad Ka Jo Charagh Tha
Na Jala Saky, Na Bujha Saky

Koi Zor Khud Pe Raha
Nahen Koi Bus B Us Pe Chla Nahen

Usy Dekhty Rahy Door Tak,
Magr Hath Tak Na Hila Saky

Nahen Is Men Us Ki Khata Koi
Na Naseeb Ka Koi Dosh Tha,

Ye Hamara Apna Mizaaj Tha K
Kisi Tarh Na Nibha Saky…

Aik jugnu meri wehshat ka sabab hota tha
Shaam ke wakt mera haal ajab hota tha

Ik sitara tha ke roshan tha imkaan mein
Ik samanudar mere andar mein jab hota tha

Aik khushboo thi ke aghosh kusha thi har wakt
Aik lehja tha ke tehseen talab hota tha

Ab woh khush hal zamana hi nahin hai warna
Roshni ka bhi koi naam o nasab hota tha