Ghazal Shayari
Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.Ghazal Shayari Collection
Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.
Kat hi gayi judai
Ghazal Shayari
Kat hi gayi judai bhi kab yun huwa kay mar gaye
Tere bhi din guzar gaye mere bhi din guzar gaye
Tu bhi kuch aur aur hai hum bhi kuch aur aur hain
Janey woh tu kidhar gaya janey woh hum kidhar gaye
…
Raahon main hi miley thy hum, raahein naseeb ban gayiin
Tu bhi na apne ghar gaya hum bhi na apne ghar gaye
Woh bhi gubar-e-khak tha hum bhi gubar-e-khak thy
Woh bhi kahin bikhar gaya hum bhi kahin bikhar gaye
Koi kinar-e-ab-e-ju baitha huwa hai sarnigun
Kashti kidhar chali gayi janey kidhar bhanwar gaye
Tere liye chaley thy hum tere liye thehar gaye
Tu ne kaha tu ji uthe tu ne kaha tu mar gaye
Waqt hi kuch judai ka itna taveel ho gaya
Dil mein tere firaq kay jitne tye zakhm bhar gaye
Barish-e-vasl wo huwi sara gubar dhul gaya
Woh bhi nikhar nikhar gaya hum bhi nikhar nikhar gaye
Itne qareeb ho gaye itne raqeeb ho gaye
Wo bhi “Adeem” dar gaya uam bhi “safina” dar gaye
Ji chahata hai
Ghazal Shayari
tere paas aane ko ji chahata hai
naye zaKhm khane ko ji chahata hai
idhar aaye shayad vo mauj-e-taranum
Gazal gungunane ko ji chahata hai
…
zamana mera aazamaaya hua hai
tujhe aazamaane ko ji chahata hai
vahi baat rah rah ke yaad aa rahi hai
jise bhul jaane ko ji chahata hai
labon par mere khelata hai tabassum
jab aansu bahaane ko ji chahata hai
ka_i martabaa dil pe bijali giri hai
magar muskuraane ko ji chahata hai
takalluf na kar aaj barq-e-tajalli
nasheman jalaane ko ji chahata hai
ruKh-e-zindagi se naqaben ulat kar
haqiqat dikhaane ko ji chahata hai
kabhi jo mujh ko
Ghazal Shayari
kabhi jo mujh ko talaash kerna
tou chand raaton ki chandni main
Gul-e-chaman say sawal kerna
udaas kiun ho??
…kiun oos-Qatron main apnay aanso
chupaa rehay hoo
haseen mousam main kis ki yadoon main
apnay dil ko jala rehay hoo
Gul-e-chaman yeh sawal sun ker
tumhari aamad ka haal sun ker
kehay ga tum jis ko khoojtay hoo
woo in baharoon ki sari khushboo
churaa kay abb ik nay chaman main
Mehek raha hay
udaas ker kay yahan pay hum ko
kisi chaman main chehek raha hay
Gul-e-chaman ka yeh haal sun ker
tumhain lagay ga main baywafa hoon
udaas kalioon ko choor ker main
nai baharoon ko dhoondta hoon
mager haqeeqat main is chaman kay
tamaam phoolon ki khwahishon kaa
aur in ki nakkam kavishoon ka
haseen mousam ki barishoon ka
naa meray dil per aser hoa tha
naa meray dil per aser hoa hay
main aaj bhi ik nay chaman main
puranay qissay suna reha hoon
joo mere chahat ka devtaa tha
main aaj bhi us ko poojta hoon
yaqeen nahi tou palat kay dekho
waheen khara tha,waheen khara hoon!!!!
Bicharnay na dena
Ghazal Shayari
Mar bhee jaaoun to
beetee huee baaton ko jaage huee raaton ko
yaad karna.yaad karna aour jee lainaa
tum meray naam ko kabhee apnay naam say
bicharnay na dena
meray kadmon ke chaap ghar kay darwaazay say
nikalny na dena
mujhay marnay na dena
apnee palkain tum na bhigona mat rona
beetee huee baaton ko jaage huee raaton ko
yaad karna ,yaad karna aour jee laina
main apnee awaaz aour apnay saary geet
tumahin day jaaoun ga
meree sab cheezon ko yunhee rahnay dena
jaisay sham dhaltay he
main lot kay aaoun gaa
mujahy kho kar bhee kabhee na khona,mat rona
beetee huee baaton ko jaage huee raaton ko
yaad karna .yaad karna aour jee lain
Mar bhee jaaoun to…………mat ronaaa
KABHI GUROR TU KAR
Ghazal Shayari
kitna chaha hai tujhe KABHI GUROR TU KAR
tu meri sanson m hai shamil KABHI GUROR TU KAR
ruk jati hai aksar mery dil ki dharkan,
TERE bina guzarta ni ik pal KABHI GUROOR TU KAR,
dil tu ab rota he rhta ha teri furqat mein,
…kisi kurb s guzarta hn KABHI GUROOR TU KAR,
kis tarha tanha katega umar bhar ka safar ,
bara kathan hai rasta KABHI GUROOR TU KAR,
BHT CHAHNEY WALEY HAN TERY IS DUNIYA M,
KISI NE ITNA CHAH HY TUJHE KABHI GUROR TU KAR….
Hath dua se yun gira, bhool gaya sawal bhi
Ghazal Shayari
Kuch to hawa bhi sard thi kuch tha tera khayal bhi
Dil ko Khushi ke sath sath hota raha malal bhi
Baat vo adhi raat ki, raat vo poore chand ki
Chand bhi ain chet ka, us pe tera jamal bhi
Sab se nazar bacha ke vo mujh ko aise dekhtay
Ek dafa to ruk gaye gardish-e-mah-o-sal bhi
Dil to chamak sake ga kya, phir bhi tarash ke dekh lo
Shishagaran-e-shahar ke hath ka ye kamal bhi
Us ko na pa sake the jab dil ka ajeeb hal tha
Ab jo palat ke dekhiye baat thi kuch muhal bhi
Meri talab tha ek shakhs, vo jo nahin mila to phir
Hath dua se yun gira, bhool gaya sawal bhi
Itni muddat baad
Ghazal Shayari
Itni muddat baad mile ho!
Kin sochon main gum rehte ho?
Itne khayef kyon rehte ho?
Her aahat se darr jaate ho
Taiz hawa ne mujh se poocha
Rait pe kya likhte rehte ho?
Kaash koi humse bhi pooche
Raat gaye tuk kyon jaage ho?
Main darya se bhi darta hoon
Tum darya se bhi gehre ho!
Koun si baat hai tum main aisi
Itne ache kyon lagte ho?
Peeche mur ker kyon dekha tha
Patthar ban ker kya takte ho?
Jaao jeet ka jashan manaao!
Main jhoota hoon, tum suche ho
Apne sheher ke sub logon se
Meri khatir kyon uljhe ho?
kehne ko rehte ho dil main!
Phir bhi kitne door khare ho
Raat humain kuch yaad nahin tha
Raat bohot hi yaad aaye ho
Humse na poocho hijr ke qisse
Apni kaho ab tum kaise ho?
Mohsin tum badnaam bohot ho
Jaise ho, phir bhi ache ho
Shahar ko chora
Ghazal Shayari
jab se us ne shahar ko chora har rasta sunsan hua
apna kya hai sare shahar ka ik jaisa nuksan hua
mere hal pe hairat kaisi dard k tanha mausam main
pathar bhi ro parte hain insan to phir insan hua
us k zakhm chupa kar rakhiye khud us shakhs ki nazron se
us se kaisa shikawa kije wo to abhi nadan hua
yun bhi kam amez tha “Mohsin” wo is shahar k logon main
lekin mere samne akar aur hi kuch anjam hua
zikr-e-shab-e-firaq
Ghazal Shayari
zikr-e-shab-e-firaq se wahashat use bhi thi
meri tarah kisi se muhabbat use bhi thi
mujh ko bhi shauq tha naye chehron ki did ka
rasta badal k chalne ki adat use bhi thi
us rat der tak wo raha mahw-e-guftagu
masruf main bhi kam tha faragat use bhi thi
sunata tha wo bhi sab se purani kahaniyan
taza rafaqaton ki zarurat use bhi thi
mujh se bichar k shahar main ghul mil gaya wo shakhs
halanke shahar bhar se raqabat use bhi thi
wo mujh se barh k zabt ka adi tha ji gaya
warna har ek sans qayamat use bhi thi
Thahar jao
Ghazal Shayari
thahar jao k hairani to jaye
tumhari shakl pahchani to jaye
shab-e-gam tu hi mahman ban k aja
hamare ghar ki wirani to jaye
zara khul kar bhi ro lene do ham ko
k dil ki ag tak pani ho jaye
bala se tor dalo ainon ko
kisi surat ye hairani to jaye
Advertisements
We update our poetry database on daily basis so keep coming back for more Ghazal Shayari.