Urdu Poets

Jaagna aur jagaa ke so jana,
Raat ko din bana ke so jana,

Text karna tamaam raat us ko,
Ungliyon ko dabaa ke so jana,

Aaj phir dair se ghar aya hoon,
Aaj phir muu bana ke so jana..

Wohi charaagh bujha jis ki lau qayamat thi,
Ussi pe zarb paRri jis jo shajar purana tha..

Sab log jidhar woh hain udhar dekh rahe hain,
Hum dekhne walon ki nazar dekh rahe hain..

Qadam mila ke zamane ke sath chal na sake,
Bohat sambhal ke chale hum magar sambhal na sake..

Wafa ke zikr chiRra tha ke raat beet gayi,
Abhi to rang jamma tha ke raat beet gayi,

Yahan to charon taraf ab talak andhera hai,
Kisi ne mujhe se kaha tha ke raat beet gayi,

Main raat zeest ka qissa sunane beth gaya,
Abhi shuru kiya tha ke raat beet gayi,

Uthe thay hath dua ke liye ke raat kaTte.
Dua main aesa bhi kya tha ke raat beet gayi,

Khushi zaroor thi taimur din nikalne ki,
Magar yeh gham bhi siwa tha ke raat beet gayi..

Gilaa bhi tujh se bohat hai magar mohabbat bhi..
Woh baat apni jagah hai, yeh baat apni jagah..

Neni ne choRr dala hai shab bhar ko jaagna,
Raaton ko jaagne se badalte nahi hain din.

Ab dil bujha bujha hai mujhe maar dijiye,
Jeene main kya rakha hai mujhe maar dijiye,

Dil ke maraz ka ab nahin duniya main kuch ilaaj,
Yeh ishq-e-la-davaa hai mujhe maar dijiye,

Main be-gunaah hoon to phir yehi hai meri saza,
Yeh faisla hua hai mujhe maar dijiye,

Darta hoon aayine ko lagane se hath main,
Kehta yeh aayina hai mujhe maar dijiye,

Main hoon wafa-shiar yahan jee ke kya karoon,
Yeh daur-e-bewafa hai mujhe maar dijiye,

Tanhayion ki qaid se ghabra ke aik shakhs,
Awaz de raha hai mujhe maar dijiye,

Ek baat josh josh main sach keh gaya hoon main,
Tum ko bura laga hai maar dijiye mujhe,

Tanhayi meri us se bhi dekhi nahin gayi,
Us ne bhi yeh kaha hai maar dijiye mujhe,

Rashk-e-chaman bana hai yeh arpit mera wajood,
Khushbu ko chhu liya hai mujhe maar dijiye..

Aarzu hai ke tu yahan aye,
Aur phir umar bhar na jaye kahin..

Kisi faqeer ko dene main mat kammi keejiye.
Woh kaam aye ga jo kuch liya diya ho ga..