naqsh yadon ka mitaati he to ro parti he.
wo mera khatt jo jalati he to ro parti he.

khoon dikhta hey mery marty hoye sapno ka,
khuwab ankhon main basati he to ro parti he.

log poochty hen jo gehri udaasi ka sabab,
baat logon se chupaati he to ro parti he.

yaad karti he mujhy toot kar us lumhy,
shaam chehra jo dikhaati he to ro parti he.

woh bary zubt bhary hosly wali larki,
ghum ko tahreer banati he to ro parti he.

Yahan chahton ka sila Nahi,
Yaha Dosti ka Maza Nahi.

Yaha Janay Kaisy Hawa Chali,
“RAHI” Doston Main Wafa Nahi.

Yaha Jal Gaya Mera Aashian,
Abhi Badalon ko Pata Nahi.

Teray Dar Pe Dastak Dei Sakon,
Ye Haq Tum ne Mujey Dia Nahi.

Main “RAHI” Hoon Rahi-e-Umeed ka,
Mujey Manzilon ka Pata Nahi.

Bey Bus Hoon Jahan Main Itna,
Jaisey Mera koi “KHUDA” Nahi.

meri saadgi mera juram hai,
koi aur meri khata nahi…

Mere Qatil Ko Pukaro Kay Main Zinda Hoon Abhi
Phir Say Maqtal Ko Sanwaro Kay Main Zinda Hoon Abhi

Yeh Shab-e-Hijar To Sathi Hai Meri Barsoon Say
Jayo So Jayo Sitaro Kay Main Zinda Hoon Abhi

Yeh Praishan Say Gaisu Daikhay Nahi Jatay
Apni Zulfun Ko Sanwaro Kay Main Zinda Hoon Abhi

Lakh Moujoun Main Ghira Hun, Abi Dooba Tow Nahi
Mujh Ko Sahil Say Pukaro Kay Main Zinda Hoon Abhi

Qabr Say Aaj Bhi ‘Mohsin’ Ki Aati Hai Sada
Tum Kahan Ho Meray Yaroo Kay Main Zinda Hoon Abhi

Muddat se mera dil hai k abaad nahe hai
Honton pe magar aaj b faryaad nahe hai

Aata hai khayalon mei mere uska he chehra
Bas us k siwa kuch b mujhe yaad nahe hai

Phirte hain sabhi log yahan sehme huwe se
Is sheher mein jaise koi azaad nahe hai

Dekha hai ujarte huwe kitne he gharon ko
Hai kon jo is ishq mei barbad nahe hai

Ik leher c uthti hai aaj b mere dil mei
Is leher k uthne ka sabab yaad nahe hai………

Ab zid pe aa gaye ho to ye kaam bhi kero
Khud ko humaray naam say badnaam bhi kero

Ye kaya k in ruton mein bhi qaid_e_ana ki zid
Barpa bahaar mein koi kohraam bhi kero

Aashiq ho ger to sabar k zindaan ko torr do
Ahl_e_jahan ki saazishen naKaam bhi kero

Tark_e_tal’luq ka maatam bohat hua
Tum thak gaye ho aao kuch aaram bhi kero… .

Apne hathon ki lakeeron se mita don tujh ko?
Kaise mumkin hay k main aise dagha don tujh ko

Sochta hon main kisi tor bhula don tujh ko
Apni yaadon se kisi roz mita don tujh ko

Tu na mil paye mujhe aisi Dua don tujh ko
Hosla hota nahin dagh e wafa don tujh ko

Mere daman mein andheron k siva kuch bhi nahin
Yeh kisi roz,kisi roz bata don tujh ko

Aitbar e dil e awara nahin hay mujh ko
Is ki dharkan mein bhala kaise basa don tujh ko

Aag si lagti hay seenay mein shab o roz Khalish
Yeh na ho khud bhi jalon aur jala don tujh ko

kabi jo hum nahi hon gay…
kaha kis ko batao gay…
wo apni uljanein sari..
wo becheini main doobe pal….
wo aankhon main chupe aansu…
kise phir tum dikhao gay…
kabi jo hum nahi hon gay…
boht bechan hon gay…
boht tanha reh jao gay…
abi b tum nahi samjhay…
humari ankahi batain…
mgr jab yaad aayein gay…
boht tum ko rulayein gay…
boht chaho gay phir b…
hamay na doond pao gay…!!

us ne kahaa sun
ahad nibhaane kii Khaatir mat aanaa
ahad nibhaanevaale aksar majabuurii yaa
mahajuurii kii thakan se lauTaa karate hain
tum jaao aur dariyaa dariyaa pyaas bujhaao
jin aaNkhon mein Duubo
jis dil mein bhii utaro
merii talab aavaaz na degii
lekin jab merii chaahat aur merii Khvaahish kii lau
itanii tez aur itanii uuNchii ho jaaye
jab dil rode
tab lauT aana

Koi lamha bhi kabhi laut kar nahee aaya
Woh shaks aisa gaya phir nazar nahee aaya

Wafa ke dasht mein raasta nahee mila koi
Siwayye gard-e-safar humsafar nahee aaya

Kisi chiraag ne poochi nahee khabbar meri
Koi bhi phool mere naam per nahee aaya

Pallat ker aane lagay shaam ke parinday bhi
Hamara subha ka bhoola magar nahee aaya

Humein yakeen hai Amjad woh wada khilaaf
Yeh umer kaise kategi agar nahee aaya ..!!

Khabi Khud Pe Khabi Halat Pe Rona Aaya…
Baat Nikli To Har Ik Baat Pe Rona Aaya…

Hum To Samje Te K Hum Bhol Gaye Hain Un Ko…
Kia Hova Aaj Ye Kis Baat Pe Rona Aaya…

Kis Liye Jeete Hai Hum Kis K Liye Marte Hai…
Baarha Aise Sawalaat Pe Rona Aaya…

Kon Rota Hai Kisi Aur Ki Katir Ae Dost…
Sab Ko Apni Hi Kisi Baat Pe Rona Aaya…

Khabi Khud Pe Khabi Halat Pe Rona Aaya…
Baat Nikli To Har Ik Baat Pe Rona Aaya…