Send ghazal
Advertisements
ghazal
Welcome to the largest collection of ghazal. You can send these ghazal to Pakistan Send these mobile ghazal message to your friends and enjoy.Ab yeh talab hay ke usey jeet ke haaroon
ghazal
khwahish hay k iss toor se jeewan ko guzaroon
har aks tere husn ka ankhun main utaroon
woh tishna labi hay k samjh kuch nahi ata
dariya ko sada doon k samander ko pukaroon
jeewan bhi tu uljhi hoi doroon ki terha hay
iss soch main gum hon k isey kaise guzaroon?
ab iss k siwa mera koi khwaab nahi hay
her saans ko khushnoodi e janaa pe main waroon
bahter hay k ab moot ko seene se laga loon
iss mann ko tere hijer main ab kitna main maroon
pehle tu faqat hasrat e deedar thi Wasiq
ab yeh bhi talab hay k USEY jeet k haroon
pehli mohabat ka khasara yaad rehta he
ghazal
bhanvar ki gaud me jaisey kinara sath rehta he
kuch aisay hi tumhara aur hamara sath rehta he
mohabbat ho k nafrat ho usee se mashwara hoga
meri harr kafiyat me iste’aara sath rehta he
safar me ain mumkin he me khud ko chhor doon lekin
duayen karne walon ka sahara sath rehta he
mere maula ne mujhko chahaton ki saltanat de di
magar pehli mohabat ka khasara yaad rehta he
agar “Sayyad” mere lab par mohabbat hi mohabbat he
to phir ye kiss liye naffrat ka dhara sath rehta he
Wohi bekaar ki batain, wohi bekaar ke kissey
ghazal
Bohat farsooda lagte hain mujhe ab yaar ke kissey
Gulo gulzar ki batain, lab o rukhsaar ke kissey
Yahan sab ke mukadar mein fakat zakhm e judai hai
Sabhi jhotey fasaney hain wasal e yaar ke kissey
Bhala ishq o mohabbat se kis ka pait bharta hai
Suno, tum ko sunata hoon mein karobar ke kissey
Mere ehbaab kehte hain yehi ik ae’ib hai mujhe mein
Sar’e deewar likhta hon mein pas’ey deewar ke kissey
Mein aksar is liye logon se ja kar khud nahin milta
Wohi bekaar ki batain, wohi bekaar ke kissey
Tum mairay liye ab to koi bad?dua karo
ghazal
Hoti nahi wafa, to jafa hi kiya karo
Tum bhi to koi rasm-e-mohaabat ada karo
Hum tum pay mar mittay to ye kiska qasoor hay?
Aaeina lay kay hath main khud faisala karo
Ab un pay koi baat ka hota nahi asar
Minnat karo, sawaal karo, iltija karo
Sharminda hoon kay maut bhi aati nahi mujhay
Tum mairay liye ab to koi bad?dua karo
Baitho na mehfilon main zamana kharab hay
Daikho hamaari baat kabhi sun liya karo
Shahid kabhi to daikhay ga wo tumko jhaank kar
Un ki gali main roz tamaasha kiya karo
Dard barhaa lyta hoon
ghazal
Apna Dard Barha Layta Hoon
Us Ko Pass Bul Layta Hoon
Us Ko Jab Bhi Dhundhnay Niklon
Apna Aap Ganwa Dayta Hoon
Sab Say Juda Rehnay Ki Khatir
Sab Ko Dost Bana Layta Hoon
Jungal Rah Main Aa Jaye Tu
Maa Ke Ak Dua Layta Hoon
Sari Baat Kar Kay Bhi Main
Us Ki Baat Chupa Layta Hoon
Har Ak Kaam Main Jaldi Kar Kay
Har Ak Kaam Barha Layta Hoon
Wo Tu Wo Hay Saad Main Aksar
Khud Say Dhoka Kha Layta Hoon
Bikhar gaye hain tera intizar karte huye
ghazal
Tere firaq ke lamhe shumaar karte huye
Bikhar gaye hain tera intizar karte huye
To mein bhi khush hoon koi ja ke us ko keh de
Agar woh khush hai mujhe beqarar karte huye
Mein muskurata hua aayine mein ubhroon ga
Woh ro pare ga achaanak singhaar karte huye
Tujhe khabar bhi nahin koi toot geya hai
Mohabaton ko bohat payedaar karte huye
Mujhe khabar thi ke ab laut kar na aaon ga
Wada yeh khud se kiya hai intizar karte huye
nahi hon main kisi ka bhi nahi hon
ghazal
nahi hon main kisi ka bhi nahi hon
ager khud apne jaisa bhi nahi hon
kabhi aise bhi din ate hain mujh par
k khud ko milne jata bhi nahi hon
main logoon se bohat darta hon lekin
ju rub hay uss se darta bhi nahi hon
bohat hi dukh hua yeh jaan ker aaj
k main tu apne jaisa bhi nahi hon
main apni hadd main rehta hon hamesha
phir iss hadd se nikalta bhi nahi hon
bicha daita main khud ko unko khatir
mager dukh hay k rasta bhi nahi hon
jahan paishaani pe koi harf aye
main aise dar pe jhukta bhi nahi hon
Ali main kya hon k her rooz khud se
ju kehta hon woh kerta bhi nahi hon
woh dil ka bura, na bewafa tha
ghazal
Woh dil ka bura, na bewafa tha
Bus,mujh say yoonhi bicharr gaya tha
Lafzoon ki hadoon say mawara tha
Aab kis say kahoon woh shakhs kaha tha?
Woh meree ghazal ka aaeina tha
Her shakhs yeh baat janta tha
Her simat ussi ka tazkara tha
Her dil main woh jaisay bus raha tha
Mein uss ki ana ka aasara tha
Woh mujh say kabhi na roothta tha
Mein dhoop k bun main jal raha tha
Woh saya-abr ban gaya tha
Mein banjh rutoon ka aashana tha
Woh mosam-e-gul ka zaiqa tha
Ek bar bicharr kay jab mila tha
Woh mujh say lipatt kay ro pada tha
Kia kuch na ussay kaha gaya tha?
Uss nay to laboon ko see liya tha
Woh chand ka hamsfer tha shayed
Ratoon ko tamam jagta tha
Hontoon main guloon ki naram khushboo
Batoon main to shehad gholta tha
Kehnay ko juda tha mujh say lekin
Woh meree ragoon main gonjata tha
Uss nay jo kaha, kiya woh dil nay
Inkar ka kis main hosala tha
Yoon dil main thi yaad uss ki jaisay
Masjid main charragh jal raha tha
Mat pooch hijab k qareenay
Woh mujh say bhi kam hee khul saka tha
Uss din mera dil bhi tha paresha’n
Woh bhi meray dil say kuch khafa tha
Mein bhi tha dara howa sa lekin
Rang uss ka bhi kuch udda udda tha
Ek khof sa hijar ki rutoon ka
Dono pay muheet ho chala tha
Ek rah say mein bhi tha gurezaa’n
Ek mod pay woh bhi ruk gaya tha
Ek pal main jhapak gaein jo aankhein
Manzer he nazer main dosara tha
Maine us shakhs ko jancha
ghazal
Mere Myar e Takhayul Se Bhe Ooncha Nikla,
Jis Ko Jhota Me Samjhta Tha Wo Sacha Nikla.
Me mujassam usey samjha usey pana chaha,
aik perchai tha wo shakhs bhe saya nikla.
Dunya walo ki nazar me to bura tha lekin,
me ne us shakhs ko jancha to wo acha nikla.
Maqtal e jism me jis ne meri gardan mari,
maqtal e jaan me wo hi mera sahara nikla.
Apne aangan me wo bas kaanch ka tukra thehra,
Ghar ki dehleez k us paar wo heera nikla.
Dil k sikkey ko Zarnaab samjh rakha tha,
Aaj bazar me rakha to khota nikla.
Hum ne aj un se sar-e-raah shikayat kr li,
chubh raha tha jo kai din se wo kanta nikla.
Un k aangan k shajar sary hen shadaab MOEEN,
mere aangan ka ye ik pair bhe sokha nikla.
Hai naseeb sab ka juda juda
ghazal
Bujhnay lag jai’n to phr shamai’n jala di jai’n
meri aankhai’n mere dushman ko laga di jai’n
be hunr loog kaha’n harf ki sachai kaha’n
ab kitabai’n kisi darya me’n baha di jai’n
un ki pehchaan ka dukh jaa’n se guzr jata hai
ye shabeehai’n sir e aaina ganwa di jai’na
ab bicharnay ka saleeqa hai na milnay ka hunar
ishq me’n tuhmatai’n aai’n to bhula di jai’n
ya to khursheed chamakta rahay peshaani me’n
ya lakeerai’n mere mathay ki mita di jai’n
kitni bholi hui batai’n hamai’n aaj us ki “Saleem”
yaad aai hai’n to ab us ko bata di jai’n
Advertisements
We update our poetry database on daily basis so keep coming back for more ghazal.