Urdu Poets

woh khad-o-haal mere fun ki gawahi dete
main sukhankar na hoti to musawar hoti

koi nahin jo hamara khayal rakhe aur
koi nahin hai ke hum jis ki dekh bhaal karen

paaon darya main Daal kar boli
aese lagti hai aag paani main

tum se ik rasam tak nahin tooti
baat karte they tum sitaron ki

milen to apne dilaase ke vaste afkar
hum aik dusre ke dukh pe hanste rehte hain

jo bhi izat ke Ddar se Ddar jaye
mat kare ishq apne ghar jaye

baat aa jaye jab dua-on par
is se behtar hai banda mar jaye

thoRri se aur dair samne reh
meri ankhon ka paiTt bhar jaye

al-muhayimin ke ghar bhi khatre hain
jaye bhi to koi kidhar jaye

haan aqeeda agar na qaid rakhe
phir to insan kuch bhi kar jaye

bebasi ki yeh akhri hadh hai
meri aulad aap par jaye

us ke chehre pe aaj udasi thi
haye afkar alvi mar jaye

biTtiya rani se jhoot bolte ho
zindagani se jhoot bolte ho

tab kahani pe kya guzarti hai
jab kahani se jhoot bolte ho

zindagi maut ke mamle par
daar -e- fani se jhoot bolte ho

tum zameeni khuda ke Ddar se kyun
aasmani se jhoot bolte ho

paRrhte rehte ho jaun ko phir bhi
yaar jani se jhoot bolte ho

tum taraqi karo ge tezi se
tum rawani se jhoot bolte ho

us ki ankhon main dekh kar khalid
gehre pani se jhoot bolte ho

sari duniya ka dukh nahin mujh ko
tum bhi shani se jhoot bolte ho

sari khalqat rula ke sona hai
us ko jis din bhula ke sona hai

tez aandhi hai janta hoon main
par dia to jala ke sona hai

aj likh-on ga aik kahani main
us ko apna bana ke sona hai

us ki marzi hai jitne din roothe
maine us ko mana ke sona hai

hasrat -e- khawb teri khair nahin
aj tujh ko sula ke sona hai

saari khushi-yan mila ke dekhi hain
tere jane ka gham zeyada hai

kisi ke honTon pe ayi hansi ko dukh mat do
kisi ka dil mat dukhao kisi ko dukh mat do

khuda ki marzi samajh kar mujhe bhula do bas
zara si baat pe ab zindagi ko dukh mat do

guzar chuka hai yeh kirdar is kahani se
sadaa-en de ke meri khamshi ko dukh mat do

gali gali main tamasha lagaye phirte ho
jadeed sher kaho shayari ko dukh mat do