Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



Bhala admi tha par nadan nikla..

Urdu Poets

Bhala admi tha par nadan nikla,
Suna hai kisi se mohabbat kare hai..



Bas ek hi balaa hai mohabbat kahen jise..

Urdu Poets

Bas ek hi balaa hai mohabbat kahen jise,
Woh paniyon main aag lagati hai aaj bhi..



Aziyat museebat malamat balayen..

Urdu Poets

Aziyat museebat malamat balayen,
Tere ishq main hum ne kya kya na dekha..



Aqal ko tanqeed se fursat nahin..

Urdu Poets

Aqal ko tanqeed se fursat nahin,
Ishq par aamaal ki bunyaad rakhe..



Bethe hain chain se kahin jana to nahin hai..

Urdu Poets

Bethe hain chain se kahin jana to hai nahin,
Hum be-gharon ka koi thikana to hai nahin,

Tum bhi ho beete waqt ke manind hu-ba-hu,
Tum ne bhi yaad aana hai, aana to hai nahin,

Ehd-e-wafa se kis liye khaif ho meri jaan,
Kar lo ke tum ne ehd nibhana to hai nahin,

Woh jo humen aziz hai kesa hai kaun hai,
Kyun puchte ho hum ne batana to hai nahin,

Duniya hum ehl-e-ishq pe kyun phenkti hai jaal,
Hum ne tere faraib main aana to hai nahin,

Koshish karen to laut hi aye ga ek din,
Woh aadmi hai guzra zamana to hai nahin,

Woh ishq to kare ga magar dekh-bhaal ke,
Faris woh tere jaisa deewana to hai nahin..



Paraayi neend main sone ka tajurba kar ke..

Urdu Poets

Paraayi neend main sone ka tajurba kar ke,
Main khush nahin hoon tujhe khud main mubtila kar ke,

Yeh kyun kaha ke tujhe mujhse pyar ho jaye,
TaRrap utha hoon tere haq main baddua kar ke,

Main jootiyon main bhi betha hoon puray maan ke sath,
Kisi ne mujh ko bulaya hai iltijaa kar ke,

To phir woh rote huye manatain bhi maante hain,
Jo intiha nahin karte hain ibtidaa kar ke,

Bashar samajh kar kiya tha na yun mujhe nazarandaz,
Le main bhi chorr raha hoon tujhe khuda kar ke,

Mana bhi loon ga, galay bhi lagaon main Ali,
Abhi to dekh raha hoon use khafa kar ke..



Apni tabahiyon ka mujhe koi gham nahin..

Urdu Poets

Apni tabahiyon ka mujhe koi gham nahin,
Tum ne kisi ke sath mohabbat nibha to di..



Yeh zulm mujh se nahin ho saka, nahin kiya hai..

Urdu Poets

Yeh zulm mujh se nahin ho saka, nahin kiya hai,
Khayal main bhi use be-ridaa nahin kiya hai,

Main aik shakhs ko imaan janta hoon to kya,
Khuda ke naam pe logon ne kya nahin kiya hai,

Isi liye to main roya nahin bichaRrte samay,
Tujhe rawana kiya hai juda nahin kiya hai,

Yeh badtameez agar tujh se Ddar rahe hain to phir,
Tujhe bigaRr kar maine bura nahin kiya hai..



Apne hamrah jo aate ho idhar se pehle..

Urdu Poets

Apne hamrah jo aate ho idhar se pehle,
Dasht paRrta hai miyan ishq main ghar se pehle..



Anjam-e-wafa yeh hai jis ne bhi mohabbat ki..

Urdu Poets

Anjam-e-wafa yeh hai jis ne bhi mohabbat ki,
Marne ki dua mangi jeene ki saza payi..


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari