Urdu Poets
Ranjish.com has lots of Urdu Urdu Poets Poetry. Feel free to add your own Urdu Poets Shayari here.Urdu Poets Collection
Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.
main us hawa ke jhonke ko kya naam doon kiran
Urdu Poets
main us hawaa ke jhonke ko kya naam doon kiran
dastak diye baghair mere ghar main aa gaya
paiRr jo ba-samar nahin hota
Urdu Poets
paiRr jo ba-samar nahin hota
woh kabhi moatbar nahin hota
dil se jab tak nahin nikalti hai
baat main kuch asar nahin hota
mujh ko manzil kabhi nahin milti
tu agar humsafar nahin hota
aik dar se jo lau lagata hai
woh kabhi darbadar nahin hota
zakham sab ko bhala dikhayen kyun
har koi charagar nahin hota
main kiran bas khuda se Ddarti hoon
mujh ko logon ka Ddar nahin hota
tujh se door hona chahti hoon
Urdu Poets
tujh se door hona chahti hoon
chain ki neend sona chahti hoon
raat bhar intezar karti rahi
Urdu Poets
raat bhar intezar karti rahi
main sitare shumaar karti rahi
yaad ati rahi, teri har pal
aur mujhe beqaraar karti rahi
main woh laRrki hoon jo mohabbat par
sare jazbe nisaar karti rahi
us ne dhoke diye mujhe har baar
aur main aitbaar karti rahi
dil ke behlane ko khizaan rut main
zikr -e- fasl -e- bahaar karti rahi
jis ko ana tha woh aa chuka kiran
khud ko main yunhi khuwaar karti rahi
bas aaj waqt par sone ki chaah hai mujh ko
Urdu Poets
bas aaj waqt par sone ki chaah hai mujh ko
dua karo ke khauf thakan se zeyada ho
har ik baat pe kehne lagte ho pyare baRra masla hai
Urdu Poets
har ik baat pe kehne lagte ho pyare baRra masla hai
suno manzil-en khubsurat hain bas rasta masla hai
kaha jab mera masla hai ke ap ache lagne lage hain
woh kehne lage ap ka masla ap ka masla hai
mohabbat mukamal na hona baRra masla hai yaqeenan
ghazal ka mukamal na hona bhi apni jagah masla hai
main har roz laRr kar nikalta hoon wapis na aney ki khatir
magar us ka khiRrki se rote huye dekhna masla hai
sabhi masle hal talab hain magar bhook pehle hai ahsan
mohabbat to insan ka apna banaya hua masla hai
ayat sunao sabr ki koi quran se
Urdu Poets
ayat sunao sabr ki koi quran se
warna ulajh paRroon ga main sare jahan se
woh bhi safar main thak ke kahin door reh gaya
aur main bhi cheekhne laga ik din thakaan se
woh shaam aj tak mere seene pe naqsh hai
ik shakhss phir gaya tha jab apni zaban se
hamari ik ankahi kahani udaas ankhon main reh gayi hai
Urdu Poets
hamari ik ankahi kahani udaas ankhon main reh gayi hai
bhari jawani ki raigaan-i udaas ankhon main reh gayi hai
bichaRr-ne wale ka aansu ab tak hamari ankhon se beh rahe hain
bichaRr-ne wale ki ik nishaani udaas ankhon main reh gayi hai
agar tumhe aj bhi koi gham mile to rona mujhe paRre ga
tumhari kashti ki baadbaani udaas ankhon main reh gayi hai
jo shahzade ke khawb bunti safar main mujh se bichaRr gayi thi
baRre mahalaat ki woh raani udaas ankhon main reh gayi hai
har dukh mujhe qabool magar yeh sitam na ho
Urdu Poets
har dukh mujhe qabool magar yeh sitam na ho
ya rab bichaRr-te waqt bhi woh aankh num na ho
yeh kya ke saari raat kaTe jagte huye
aur phir bas aik sher ho us main bhi dum na ho
yeh kya ke aik dar se bandhe hon tamaam umar
yeh kya ke aik baar bhi nazar -e- karam na ho
yah kya ke sab se daad ke talib ho shayaro
yaani ke woh bhi roye ke jise koi gham na ho
ae kash ke apni jang chiRre us badan ke sath
aur dono samt aman ka koi alam na ho
sansain ukhaRr ukhaRr kar chalen par chalen zaroor
hum main agar judai ho to kabhi aik dum na ho
puchte hain ke mohabbat ka bhi khamyaaza hai
Urdu Poets
puchte hain ke mohabbat ka bhi khamyaaza hai
mujh se miliye ke mera zakham abhi taaza hai
mere hone ki aziyat ko bhi main janta hoon
is liye teri aziyat ka bhi andaaza hai
Advertisements
We update our poetry database on daily basis so keep coming back for more Urdu Poets.