Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



Shadeed pyas thi phir bhi chua na paani ko..

Urdu Poets

Shadeed pyas thi phir bhi chua na pani ko,
Main dekhta raha darya teri rawani ko..



Doob jaon, ke ubhar aon, ke darya ho jaon..

Urdu Poets

Doob jaon, ke ubhar aon, ke darya ho jaon,
Aik main, kayi imkaan hain, kya kya ho jaon,

Ab ke bichRre hain to bas jaan pe ban ayi hai,
Ab ke main khud ko bachaa loon to karishma ho jaon,

Koi din tu mujhe dikh jaye kahin aik jhalak,
Koi shab toot ke ro loon to main acha ho jaon,

Aik hawas hi hai jis ne mujhe bachaa rakha hai,
Warna insan se kab ka main farishta ho jaon,

Yun to yeh sara zamana hi tamashai hai,
Tu agar dekhne aye to tamasha ho jaon..



Gham ko inam-e-wafa bhi to nahin keh sakte..

Urdu Poets

Gham ko inam-e-wafa bhi to nahin keh sakte,
Hum mohabbat ko khataa bhi to nahin keh sakte,

Yehi keh dete hain ab tujh se bichaRr kar khush hain,
Aur kuch is ke siwa bhi to nahin keh sakte,

Sari duniya main jo ik shakhss chuna tha, tu tha,
Ab tujhe khud hi bura bhi to nahin keh sakte..



Teergi main subh ki tanveer ban jayen ge hum..

Urdu Poets

Teergi main subh ki tanveer ban jayen ge hum,
Khawb tum dekho ge aur tabeer ban jayen ge hum,

Ab ke yeh socha hai gar azaad tum ne kar diya,
Khud hi apne paaon ki zanjeer ban jayen ge hum,

Aansuon se likh rahe hain bebasi ki dastan,
Lag raha hai dard ki tasveer ban jayen ge hum,

Likh na paye jo kisi ki neem-baaz ankhon ka raaz,
Woh yeh vaada kar rahe hain, meer ban jayen ge hum,

Gar yun hi baRrhta raha shughal-e-mai-kashi,
Ek din is mai-kade ke peer ban jayen ge hum,

Us ne bhi auron ke jaise kiya hum se salook,
Jo yeh kehta tha teri taqdeer ban jayen ge hum..



Raaz jo kuch hon, isharon main bata bhi dena..

Urdu Poets

Raaz jo kuch hon, isharon main bata bhi dena,
Hath jab us se milana to dabbaa bhi dena..



Apne hunar ki dhaak bithane main dair ki..

Urdu Poets

Apne hunar ki dhaak bithane main dair ki,
Jo dekhte rahe woh dikhane main dair ki,

Woh bhi qabooliyat ki ghaRri dhoondta raha,
Maine bhi apne hath uthane main dair ki,

Kis ko khabar hai us ki sehar kis jahan main ho,
Jungle main jis ne aag jalane main dair ki,

Mumkin hai ab ki baar woh bach kar na ja saken,
Choron ne mil kar shor machane main dair ki,

Ik baat thi jo waqt pe main keh nahin saka,
Ik khawb tha jo maine sunane main dair ki,

Tamoor main ne us ko gale se laga liya,
Jis ne bhi mujh se hath milane main dair ki..



Ameer-e-karvan hai tang hum se..

Urdu Poets

Ameer-e-karvan hai tang hum se,
Hamara rasta sab se alag hai..



Tu ne dekha hai kabhi aik nazar shaam ke baad..

Urdu Poets

Tu ne dekha hai kabhi aik nazar shaam ke baad,
Kitne chup chaap se lagte hain shajar shaam ke baad,

Itne chup chaap ke raste bhi rahen la-ilam,
ChoRr jayen ge kisi roz nagar shaam ke baad,

Maine aese hi gunah teri judayi main kiye,
Jaise tufan main koi choRr de ghar shaam ke baad,

Shaam se pehle woh mast apni uRranon main raha,
Jis ke hathon main thay toote huye par sham ke baad,

Raat beeti to gine aabley aur phir socha,
Kaun tha bayes-e-aghaaz-e-safar shaam ke baad,

Tu hai suraj tujhe maloom kahan raat ka dukh,
Tu kisi roz mere ghar main utar shaam ke baad,

Laut aye na kisi roz woh awara mizaaj,
Khol rakhte hain isi aas pe dar shaam ke baad..



Tere lagaye huye zakham kyun nahin bharte..

Urdu Poets

Tere lagaye huye zakham kyun nahin bharte,
Mere lagaye huye paiRr sookh jate hain,

Koi tumhara safar par gaya to poochain ge,
Ke rail guzre to hum hath kyun hilate hain..



Mohabbat ki saza tark-e-mohabbat..

Urdu Poets

Mohabbat ki saza tark-e-mohabbat,
Mohabbat ka yehi inaam bhi hai..


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari