Ghazal Shayari

Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.

Ghazal Shayari Collection

Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.



Teri mitti main mil sakte hain, tujh sa ho nahin sakte..

Ghazal Shayari

Teri mitti main mil sakte hain, tujh sa ho nahin sakte,
Teri ankhon se jo ankhen milayen, so nahin sakte,

Tumhare baad aesa kya hua hum ko khudajane,
Ke ab hum chaah kar bhi doston ke ho nahin sakte,

Koi rishta nahin rakhte, koi vaada nahin karte,
Yeh baste bojh ban jate hain, aur hum dhho nahin sakte,

Humesha Ddar sa rehta hai kahin phanda na ban jayen,
Teri banhon ki chaadar main zeyada so nahin sakte,

Yahan jungle main koi mor hum tak aa bhi jaye to,
Hum ab ki baar apna-aap shayad kho nahin sakte,

Khushi ke sath us ne baat karni hai bichaRrne ki,
Sau hum to aakhri jumle se pehle ro nahin sakte..



Shab-gazeeda ke ghar naheen ati

Ghazal Shayari

Shabgazeeda ke ghar naheen ati
khawb main bhi sahar naheen ati

kya sunain des ki sunayen kya
koi achi khabar naheen ati

aayina dusron ki janib hai
apni surat nazar naheen ati

ap muh main zaban rakhte hain
baat karni magar naheen ati

dars dete hain woh mohabbat ka
jin ko zair o zabar naheen ati

meri qismat hai ya pachal-pheri
laut jaati hai ghar naheen ati

bin tere kuch nazar naheen ata
tujh ko atiya nazar naheen ati



Main ke phir roye bina raat nahin karta naa..

Ghazal Shayari

main ke phir roye bina raat nahin karta naa,
jab koi mujh se teri baat naheen karta naa,

is liye us ke sabhi jhoot bhi sach maane hain,
woh bina roye koi baat naheen karta naa,

main isse is liye har baat bata deta hoon
aayina mujh se sawalaat naheen karta naa,

itne logon main mujhe yuun na dikhaon ankhain,
acha baba main koi baat nahin karta naa..



suune hi rahe hijar ke sehra usse kehna..

Ghazal Shayari

suune hi rahe hijar ke sehraa usse kehna
sukhe na kabhi pyar ke darya usse kehna

barbad kiya hum ko teri kamm-nazri ne
yun hote na warna kabhi ruswa usse kehna

ik hashr bapa kar ke sar-e-sham safar main
phir tu ne mera haal na pucha usse kehna

jis hashar ke Ddar se woh khafaa mujh se hua tha
woh hashar to phir bhi hua barpaa usse kehna

ik khawb sa dakha tha to main kanp utha tha
phir maine koi khawb na dekha usse kehna



Apni har baat zamane se chupaani paRri thi..

Ghazal Shayari

apni har baat zamane se chupaani paRri thi,
phir bhi jis ankh main dekha to kahani paRri thi,

main ne kuch rang churaye thay kisi titlee ke,
aur phir umar hifazat main bitani paRri thi,

kal kisi ishq ke beemar pe dumm karna tha,
peer-e-kamil ko ghazal meri sunani paRri thi,

kucha-e-ishq se nakam palaTtne wale,
tu ne dekha tha wahan meri jawani paRri thi,

dil na seh paya kisi aur se qurbat us ki,
mujh ko deewar se tasveer haTtani paRri thi,

main bohat jald buRrhape main chala aaya tha,
bin tere umar ki raftar baRrhani paRri thi,

us ki hasrat ka badan barf na ho jaye kahin,
apne seene main mujhe aag lagani paRri thi,

tere mumtaz ko gham maut ka sirf is liye hai,
apne baalon main tujhe khaak rawani paRri thi..



Uss ki ankhon pe maan tha hi naheen..

Ghazal Shayari

uss ki ankhon pe maaaan tha hi naheen,
khawb tha khawb-daan tha hi naheen,

main taaqub main chal paRra jis ke,
dhool thi karvaan tha hi naheen,

do zameen-zaad jis main reh sakte,
is qadar aasman tha hi naheen,

gir paRra hoon to raste ne kaha,
tera mujh par to dheyan tha hi naheen,

ek khawhish thi do dilon ke beech,
aur kuch darmiyan tha hi naheen,

hum ne phoolon se khoob baaten ki,
baagh main baghbaan tha hi naheen,

uss ne chaha ke jana jaaon main,
uss se pehle jahaan tha hi naheen,

umar us main guzaar di mumtaz,
woh jo mera makaan tha hi naheen..



Kabootron ko uRrata hoon aur dekhta hoon..

Ghazal Shayari

kabootron ko uRrata hoon aur dekhta hoon,
fazaa ka husn baRhata hoon aur dekhta hoon,

yeh ankh muft main kuch bhi nahin dikhati mujhe,
main is ko khawb dikhata hoon aur dekhta hoon,

sunayi deta hai kis kis ko kon sunta hai,
gali main shor machata hoon aur dekhta hoon,

kabhi main pochta rehta tha kon hai dar par,
aur ab main doRr ke jata hoon aur dekhta hoon,

dhamaal dalne ata hai roz aik malangg,
main roz dekhne jata hoon aur dekhta hoon,

suna hai maut madawa hai zeest ke gham ka,
ruko main jaan se jata hoon aur dekhta hoon,

hayaa se kaise badalti hai rangat-e-rukhsar,
main us ko sher sunata hoon aur dekhta hoon,

kashish neend main zeyada hai asmaan main kam,
hawaa main khaak uRrata hoon aur dekhta hoon,

jo shakhss pyar ka munkir hai samne aaye,
main us se ankh milata hoon aur dekhta hoon..



Aap mil nahin rahe, phool khill nahin rahe..

Ghazal Shayari

aap mil nahin rahe,
phool khill nahin rahe,

aur kuch nahin hai dost,
zakhm sill nahin rahe,

hum kabhi sakoon main,
mustaqil nahin rahe,

kar raha hai woh sukhan,
log hill nahin rahe,

ishq hai zawaal main,
dil woh dil nahin rahe..



Ankahi dastaan samajh lijay..

Ghazal Shayari

ankahi dastaan samajh lijay,
ab mujhe rayegaan samajh lijay,

maine ab lab-kusha nahin hona,
sau khamoshi ko haan samajh lijay,

agar nahin aag se shanasayi,
aap mujh ko dhuaan samajh lijay,

saaye ka intezar kya karna,
dhoop ko sayebdaan samajh lijay,

kyun badalni hai ishq main tarteeb,
jo jahan hai wahan samajh lijay..



Shukar hai ke woh nazar to aane lagi..

Ghazal Shayari

shukar hai ke woh nazar to aane lagi,
yeh udaasi kahin thikaane lagi,

cHhup ke milna bhi rayegaan hi gaya,
us ki khushbu badan se aane lagi,

tu mujhe rok bhi nahin raha hai,
aur yeh bus bhi door jane lagi,

pehle to door rakha dil se mujhe,
phir woh khud rasta dikhane lagi..


Advertisements

We update our poetry database on daily basis so keep coming back for more Ghazal Shayari.



love shayari romantic shayari sad shayari nazam shayari