Ghazal Shayari

Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.

Ghazal Shayari Collection

Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.



Tamam khawhishen puri hon, aab-o-dana ho..

Ghazal Shayari

tamam khawhishen puri hon, aab-o-dana ho,
ab is main dil nahin lagta naya zamana ho,

kisi ki salgirah ho kisi ki barsi par,
kisi ka noha kisi aur ka tarana ho,

tamam gaon ikatha ho aik station par,
aur aik shakhss udhar sheher se rawana ho,

usi se poocho sharayet ke jis ke daryaa hain,
woh kya kare ke jise kuch na kuch ugana ho,

kisi se milne ki jaldi bhi ho humen zoraiz,
aur aik jalta hua sheher bhi bachana ho..



Lipatt ke soch ki neendain haram karti hai..

Ghazal Shayari

lipatt ke soch ki neendain haraam karti hai,
tamaam shab teri hasrat kalaam karti hai,

hum hi woh ilm ke roshan charagh hain jin ko,
hawaa bujhati nahi hai salaam karti hai,

kisi bhi taur sikhati nahi hai azaadi,
mere huzoor, mohabbat ghulaam karti hai,

yeh sar ba-sajda kaha naik-dil tawaif ne,
khudaya shukar ke beti bhi kaam karti hai.



Tere talash ke maaron ki neend puri ho..

Ghazal Shayari

tere talash ke maaron ki neend puri ho,
zara to beth ke pairon ki neend puri ho,

jo aik jaage to dono ko iztiraab rahe,
jo aik soye to dono ki neend puri ho,

khuda to chahe ga khawbon main sab rahen masroof,
khuda to chahe ga bandon ki neend puri ho,

usi ki marzi hai kitnon ko chowkidaar rakhe,
usi ki marzi hai kitnon ki neend puri ho,

yeh roti pani ka jhagRra hai aur logon ka,
main chahta hoon ke logon ki neend puri ho,

visal kar ke judai ka naam tak na rahe,
phir itna jagain ke barson ki neend puri ho,

tera bichaRrna ke bas jagne ki doori pe hai,
to kaise khauf ke maaron ki neend puri ho..



Yeh dukh nahin ke sheher main mera koi nahin.

Ghazal Shayari

yeh dukh nahin ke sheher main mera koi nahin,
yeh dukh ki baat hai ke kisi ka koi nahin,

uss ka bichaRrna le gaya hiss-e-mazaah tak,
hansne ki baat karta hoon hansta koi nahin,

zulm hota dekhne walon ki saff main hain,
afsos is hujoom main andha koi nahin,

lagta hai woh to sheheron ka ho kar hi reh gaya,
halanke janta tha ke hamara koi nahin,

din kya hua ke bhaag paRre daftron ki samt,
zoraiz sair-gahon main hota koi nahin..



Tere baghair tere sath aik jaise thay..

Ghazal Shayari

tere baghair tere sath aik jaise thay,
ke hijr o vasl ke lamhaat aik jaise thay,

phir aik din woh sahar-khaiz mere pas aya,
wagarna mere bhi din raat aik jaise thay,

bichaRrne wale kisi aur ka kaha mat maan,
ke tere mere khayalaat aik jaise thay,

na chahne pe bhi aik dusre ke ho hi gaye,
dua alag thi magar hath aik jaise thay,

phir us ke baad khabar ayi woh bohat khush hai,
Juda huye thay to halaat aik jaise thay..



Yeh vasl kya ke khuda toor hi jalaa de yaar..

Ghazal Shayari

Yeh vasl kya ke khuda toor hi jalaa de yaar,
Maza to jab hai ke woh arsh par jagah de yaar,

Main roz khawb main oonchi jagah se girta hoon,
Tu mujh ko choRrne wala hai to bata de yaar,

Yeh hijr-o-vasl ke qisse to sab ne likhe hain,
Tu sher baandh raha hai to kuch naya de yaar,

Tu mere baad unhe phir bula le mehfil main,
Bas aik baar mere samne utha de yaar,

Woh mera ho nahin sakta to ae musawwar sun,
Hamari sath main tasveer hi bana de yaar..



Manaa lo ro ke rab ko iltijaa se..

Ghazal Shayari

Manaa lo ro ke rab ko iltijaa se,
Bacha le ga woh hum ko is wabaa se,

Dua hi kaam aati hai wahan phir,
Jo masla hall nahi hota dawaa se,

Gunahon se main ab bach kar rahoon ga,
Yeh vaada hai mera apne khuda se,

Khataa-karon ki pehli saff main hoon main,
Naheen mayuus par teri ataa se,

Hai satar maaon jesa pyar tera,
Humen mehfooz rakhna har balaaa se,

Tujhe tere nabi ka vaasta hai,
Karo bakhshish hamari har sazaa se,

Razzi, Husnain ka, Zahra, Ali ka,
Main sadqa mangta hoon Mustafa se.



Jahan par dosti ho us jagah anaayen kya..

Ghazal Shayari

Jahan par dosti ho us jagah anaayen kya,
Kahe agar tere pairon main beth jayen kya,

Jo naao paar gayi laut kar nahin aati,
Jo shakhss doob gaya hai usse bachayen kya,

Kisi ki yaad main jaagen sitare dekhen hum,
Sulag raha hai jo cigarette usse bhujayen kya,

Tumhare baad koi zakham kyun karen taaza,
Guzar chuka hai jo us par lahuu bahayen kya,

Kisi ki neend meri neend kese ho jaye,
Kisi ke khawb meri ankh main samayen kya..



Jo mere muqaddar main araam hai rahat hai..

Ghazal Shayari

Jo mere muqaddar main araam hai rahat hai,
Pooche jo koi keh doon sab maan ki badolat hai,

Jiss maan ko buRrhape main yeh duniya satati hai,
Qadmon main usi maan ke maloom hai jannat hai,

Sarkar-e-do-aalam ka farmaan rakho dil main,
Mazloom ke kaam aana yeh bhi to ibadat hai..



Tu ne kuch bhi na kaha ho jese..

Ghazal Shayari

Tu ne kuch bhi na kaha ho jese,
Mere hi dil ki sadaa ho jese,

Yuun teri yaad se jee ghabraya,
Tu mujhe bhool geya ho jese,

Is tarah tujh se kiye hain shikwe,
Mujh ko apne se gila ho jese,

Tere honton ki haffi se larzish,
Ik haseen sher hua ho jese..


Advertisements

We update our poetry database on daily basis so keep coming back for more Ghazal Shayari.



love shayari romantic shayari sad shayari nazam shayari