Ghazal Shayari
Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.Ghazal Shayari Collection
Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.
Sitaare ki tarah tooti hui hoon
Ghazal Shayari
zameen par is liye hi aa giri hoon
sitaare ki tarah tooti hui hoon
main khud ko maarne pe tul chuki thi
main khud se bhaag kar zinda bachi hoon
duhaayi de raha hai mera malba
main teri ankh main bikhri paRri hoon
mujhe taskheer karna tha zamana
main apne hi muqabil aa gayi hoon
teri surat nigahon main bassi hai
main duniya main tujhi ko dekhti hoon
Dil ka jab dil se rabta hoga
Ghazal Shayari
dil ka jab dil se rabta hoga
shor dhaRrkan main phir bapaa hoga
koi aesa bhi mojza hoga
jab mere haq main faisla hoga
loh-e-dil par jo likh diya tum ne
is ka izhaar barmala hoga,
meri sochon hai wahi mehvar
kya mujhe bhi woh sochta hoga
muskurahat main ik nazakat hai
us pe rang-e-hayaa chaRrha hoga
aaj woh dil ko thaam kar guzra
zakham koi naya laga hoga
jis main tehreer they sabhi vaade
us ne woh khat jalaa diya hoga
ratjage deke meri ankhon ko
raat bhar woh bhi jagta hoga
yeh jabeen par hai jo chamak ushba
chaand chehre ko choomta hoga
jo sach kahoon pas-e-deewar jhoot bolte hain
Ghazal Shayari
jo sach kahoon pas-e-deewar jhoot bolte hain
mere khilaaf mere yaar jhoot bolte hain
mili hai jab se inhe bolne ki azaadi
tamaam sheher ke akhbar jhoot bolte hain
main mar chuka hoon mujhe kyun yaqeen naheen ata
to kya yeh mere azadaar jhoot bolte hain
main sochta hoon ke dum lain to inhe tokoon
magar yeh log lagataar jhoot bolte hain
hamare gaaon ke college main kya paRrhati hai
Ghazal Shayari
hamare gaaon ke college main kya paRrhati hai
woh khud ko sab se baRri aalima batati hai
ajeeb tarah ki laRrki hai yeh mohabbat bhi
ke baat sunti naheen aur bole jati hai
kisi ne hum se kaha us ka naam khushbu hai
jo phool bechne gaaon se sheher aati hai
ghulam jaag rahe hain yeh dekhne ke liye
ke shahzadi kise takht pe sulati hai
jo bhoolna hai to phir bhool kar dikha bhi mujhe
yeh roz kya tu mujhe phone par sunaati hai
hamare sheher main aesi bhi aik laRrki hai
jo dekh sakti naheen dekhna sikhati hai
zara si baat pe itni laRrayi theek naheen
nashe main achi buri baat ho bhi jati hai
Kuch fasle pe thehra hua hoon chaTtaan se..
Ghazal Shayari
kuch fasle pe thehra hua hoon chaTtaan se
ik but khareedna hai khuda ki dukaan se
ik umar beth kar main yahi dekhta raha
yeh kaun dekhta hai mujhe aasmaan se
pehle to us ne sher sune mujh se mir ke
phir us ko ishq ho gaya urdu zaban se
dekh kar bilkul naheen lagta ke itne door hain
Ghazal Shayari
dekh kar bilkul naheen lagta ke itne door hain
waise hum aik dusre se ache khaase door hain
phaRrphaRrane ki ijazat bhi naheen di ja rahi
paiRr par bethe huye lagta tha pinjre door hain
dard ka ehsas hota hai bohat si dair baad
teer lagta hai yahan par aur girte door hain
dosti main bhool mat jana purani dushmani
baad main nazdeek hain hum log pehle door hain
mil ke maapain ge kisi din darmeyani fasla
ta ke kuch maloom ho paye ke kitne door hain
samajh bhi aate hain lafzon ko saada bolta hoon
Ghazal Shayari
samajh bhi aate hain lafzon ko saada bolta hoon
ghuTtan main reh kar bhi kitna kushaada bolta hoon
sabbab yeh hai ke kisi ne naheen suni meri
isi liye to main tujh se zeyada bolta hoon
main ehad toRrta hoon us se be-kalaami ka
woh aik baar bula le to vaada bolta hoon
yaqeen karo ke mujhe bolne ka shauq naheen
tumhare sath yunhi beirada bolta hoon
kare ga yaad ke kaisa sahii mila tujh ko
bhikari ja main tujhe shahzada bolta hoon
mujhe pata hai ke phir is ke baad kya hoga
isi liye to shajar ko barada bolta hoon
mushkil din bhi aye lekin farq na aya yaari main
Ghazal Shayari
mushkil din bhi aye lekin farq na aya yaari main
hum ne puri jaan lagayi us ki taabedari main
beimaani karte to phir shayad jeet ke aa jate
chahe haar ke wapis aaye, khaile apni baari main
meethe meethe hont hilaye kaRrwi kaRrwi baatain ki,
keekar aur gulab lagaye us ne aik kayari main
teri janib uthne wali ankhon ka rukh moRr liya
hum ne pane aeb dikhaye teri pardadari main
jaane ab woh kis ke sath nikalta ho ga raton ko
jaane kon lagata hoga do ghante tayari main
Mahol munasib ho to upar naheen jate
Ghazal Shayari
mahol munasib ho to upar naheen jate
hum taza ghuTtan choRr ke chhat par naheen jate
dekho mujhe ab meri jagah se na hilana
phir tum mujhe tarteeb se rakh kar naheen jate
badnaam hain sadiyon se in kanton ki wajah se
aadat se magar aaj bhi keekar naheen jate
jis din se shikaari se adaa ki koi mannat
darbaar pe us din se kabootar naheen jate
sau tum mujhe hairat-zada ankhon se na dekho
kuch log sambhal jaate hain sab mar naheen jate
Jab se dil o dimagh main uljhan koi naheen
Ghazal Shayari
jab se dil o dimagh main uljhan koi naheen
main sochta hoon sheher main dushman koi naheen
kache gharon main itne diye kis ne rakh diye
saare khayal o khawb hain roshan koi naheen
talwar se bhi us ka galaa kaTt naheen saka
shayad hamare weham ki gardan koi naheen
sadiyon se jaise apne badan ki ghuTtan main hoon
lagta hai is hisaar main rozan koi naheen
chehron se aashnayi ka fun seekhna to hai
lekin kisi ke hath main darpan koi naheen
pathar tamam sheher ke hath main hain to kya
mere bhi ghar main kaanch ka bartan koi naheen
khiRrki se dekhne ko manazir na mil sake
lagta hai jaise gaRri main engine koi naheen
Advertisements
We update our poetry database on daily basis so keep coming back for more Ghazal Shayari.